બાળકોને મોબાઈલ આપતા વાલીઓ માટે લાલબતી સમાન કિસ્સો- રાજકોટમાં ભાઇ-બહેન સાથે જે થયું… તે જાણીને ચોંકી જશો

ઘણીવાર માતા-પિતા પોતાના બાળકોના હાથમાં કઈપણ વિચાર્યા વિના મોબાઈલ આપી દેતાં હોય છે. ઘણીવાર તો અભ્યાસ કરવાની ઉંમરમાં મોબાઈલ ન જોવાંનું જોઈ લેતાં હોય છે ત્યારે હાલમાં વાલીઓ માટે ચેતવણીજનક ઘટના સામે આવી છે. આ ઘટના રાજ્યમાં આવેલ રાજકોટમાંથી સામે આવી છે.

ફરી એકવાર મોબાઇલની બેટરી ફાટવાની ઘટના સામે આવી છે. વાંકાનેર તાલુકામાં આવેલ વિનયગઢ ગામમાં મોબાઇલની બેટરીમાં બ્લાસ્ટ થયો છે. મોબાઇલમાં રમતી વખતે અચાનક બેટરી ફાટી જતા સપના ઠાકોર તથા વિજય ઠાકોર નામના સગા ભાઇ-બેન દાઝ્યા હતા. જેથી બંનેને તુરંત જ સારવાર માટે રાજકોટની સિવિલ હોસ્પિટલના બન્સ વોર્ડમાં લઈ જવામાં આવ્યા હતા.

વિજયને આગળની સારવાર માટે અમદાવાદ ખસેડાયો :
રાજકોટની સિવિલ હોસ્પિટલના બન્સ વિભાગમાં બંનેને સારવાર આપવામાં આવી રહી છે. બેટરી ફાટી જતા વિજય ઠાકોર નામનો બાળક આંખ પાસે ગંભીર રીતે દાઝ્યો હોવાને લીધે તેને આગળની સારવાર અર્થે અમદાવાદ લઈ જવામાં આવ્યો છે. જ્યારે બહેનને રાજકોટની સિવિલ હોસ્પિટલના બન્સ વોર્ડમાં સારવાર આપવામાં આવી રહી છે.