November 24, 2024
Share Market Today: મંગળવારે શેરબજાર જોરદાર તેજી સાથે ખુલ્યું હતું. સેન્સેક્સ અને નિફ્ટીની શરૂઆત હાઈ રેકોર્ડ સાથે થઈ હતી. બજાર ખુલતાની(Share Market Today) સાથે જ BSE સેન્સેક્સ 77,326ના નવા ઓલ ટાઈમ હાઈ લેવલને પાર કરી ગયો હતો.
નિફ્ટી ફાર્મા ઈન્ડેક્સ લાલ નિશાનમાં ખુલ્યો
મંગળવારે શેરબજાર ભારે તેજી સાથે ખુલ્યું હતું. સેન્સેક્સ અને નિફ્ટીની શરૂઆત હાઈ રેકોર્ડ સાથે થઈ હતી. બજાર ખુલતાની સાથે જ BSE સેન્સેક્સ 77,326ના નવા ઓલ ટાઈમ હાઈ લેવલને પાર કરી ગયો હતો. જો આપણે સેક્ટોરલ ઈન્ડેક્સ પર નજર કરીએ તો, નિફ્ટી બેંક ઈન્ડેક્સ, નિફ્ટી ફાઈનાન્સિયલ સર્વિસ ઈન્ડેક્સ, નિફ્ટી પીએસયુ ઈન્ડેક્સ, નિફ્ટી એફએમસીજી ઈન્ડેક્સ, નિફ્ટી આઈટી ઈન્ડેક્સ, નિફ્ટી રિયલ્ટી ઈન્ડેક્સ લીલા નિશાન પર ખુલ્યા છે. જ્યારે નિફ્ટી ફાર્મા ઈન્ડેક્સ લાલ નિશાનમાં ખુલ્યો હતો.
ડોલર સામે રૂપિયો સાત પૈસા વધીને 83.48 પર પહોંચ્યો
સ્થાનિક બજારોમાં સકારાત્મક વલણ વચ્ચે, મંગળવારે શરૂઆતના કારોબારમાં યુએસ ડોલર સામે રૂપિયો સાત પૈસા વધીને 83.48 પર પહોંચ્યો હતો. ફોરેક્સ ટ્રેડર્સે જણાવ્યું હતું કે યુએસ ડોલરની મજબૂતીથી સ્થાનિક ચલણ પર દબાણ આવ્યું છે.
Trending News
જોકે વિદેશમાં ક્રૂડ ઓઇલના ભાવમાં નરમાઈએ તેને ટેકો આપ્યો હતો. ઇન્ટરબેંક ફોરેન એક્સચેન્જ માર્કેટમાં રૂપિયો પ્રતિ ડોલર 83.52 પર ખુલ્યો હતો. બાદમાં ડોલર દીઠ 83.48 પર પહોંચી ગયો, જે અગાઉના બંધ ભાવ કરતાં સાત પૈસાનો વધારો દર્શાવે છે.
ખરીદ્દારોએ 2,175.86 કરોડના શેરની ખરીદી કરી હતી
શુક્રવારે અમેરિકન ડોલર સામે રૂપિયો 83.55 ના સ્તર પર બંધ થયો હતો. સોમવારે બકરીદ નિમિત્તે બજારો બંધ રહી હતી. દરમિયાન, ડૉલર ઇન્ડેક્સ, જે છ મુખ્ય ચલણો સામે યુએસ ડૉલરની મજબૂતાઈને માપે છે, તે 0.07 ટકાના વધારા સાથે 105.01 પર રહ્યો. ગ્લોબલ ઓઈલ બેન્ચમાર્ક બ્રેન્ટ ક્રૂડ ફ્યુચર 0.13 ટકા ઘટીને US$84.14 પ્રતિ બેરલ પર ટ્રેડ થઈ રહ્યું છે. શેરબજારના ડેટા અનુસાર, વિદેશી સંસ્થાકીય રોકાણકારો (FII) શુક્રવારે મૂડીબજારમાં ખરીદદાર રહ્યા હતા અને તેમણે રૂ. 2,175.86 કરોડના શેરની ખરીદી કરી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App