December 18, 2024
Surat Accident: સુરત શહેરમાં ફરી એક વખત ચેતવણીરૂપ ઘટના સામે આવી છે. જ્યાં ઘરની બહાર રમતી બાળકી પર કાર ફરી વળતાં તેનું કરૂણ મોત (Surat Accident) નીપજ્યું છે. ઘટનાને પગલે બાળકીના પરિવારે કારચાલક વિરુદ્ધ ફરિયાદ નોંધાવી છે. જ્યારે બાળકીના મોતને પગલે પરિવાર શોકમાં ગરકાવ છે.
એક કારચાલકે બાળકીને અડફેટે લીધી
બેદરકારીપૂર્વક વાહન હંકારવાને લીધે વધુ એક વખત નિર્દોષ બાળકીનું મોત થયું છે. સુરતના ઓલપાડના અટોદરા ગામની આ ઘટના છે. જ્યાં સોસાયટીમાં ઘરની બહાર એક માસૂમ બાળકી રમી રહી હતી. ત્યારે જ એક કારચાલક ત્યાંથી પસાર થઈ રહ્યો હતો અને તેણે બાળકીને અડફેટે લીધી હતી.
અઢી વર્ષની બાળકીનું મોત
કારની અડફેટે બાળકીને માથા પર ગંભીર ઈજા થતાં મોત થયું છે. બાળકીના પરિવારે કારચાલક અરવિંદ વિશ્વકર્મા વિરુદ્ધ ફરિયાદ નોંધાવી છે. પોલીસે ફરિયાદ નોંધી વધુ તપાસ હાથ ધરી છે. જ્યારે આંગણે રમતી અઢી વર્ષની બાળકીનું મોત નિપજતાં પરિવારમાં શોકનો માહોલ છવાયો છે.
Trending News
સીસીટીવીમાં કેદ થઇ ઘટના
આ સમગ્ર ઘટનાના સીસીટીવી ફૂટેજ પણ સામે આવ્યા છે. જેમાં સ્પષ્ટપણે જોઈ શકાય છે કે, કેવી રીતે કારચાલકે રમી રહેલી બાળકીને અડફેટે લીધી હતી. જે જોતાં આસપાસના લોકો દોડી આવ્યા હતા. કંપારી છૂટી જાય તેવી આ ઘટના સીસીટીવી કેમેરામાં કેદ થવા પામી હતી.હાલ આ મામલે ઓલપાડ પોલીસે કાર ચાલક સામે ગુનો નોંધી વધુ તપાસ હાથ ધરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App