February 11, 2025
Bolo juban Kesari: દેશ-વિદેશમાં લોકોનો ગુસ્સો જીવવાનું મુશ્કેલ બનાવી દે છે. નાની નાની વાત પર લોકો મોટી લડાઈ કરી બેસે છે. એવું જ કંઈક થયું છે બિહારના મધેપુરામાં. (Bolo juban Kesar) જ્યાં વિમલના બાકી પૈસાને લઈને બે પક્ષો વચ્ચે માથાકૂટ થઈ હતી. આ મામલાને થાળે પાડવા પહોંચેલી પોલીસ પર પણ લોકો દ્વારા હુમલો કરવામાં આવ્યો હતો. પોલીસે આ મામલે 54 નામજોગ અને 104 અજ્ઞાત લોકો વિરુદ્ધ કેસ નોંધી તપાસ શરૂ કરી છે.
મધેપુરામાં બે પક્ષો વચ્ચે પાનની દુકાન પર વિમલના બાકી પૈસાની લેવડદેવડમાં યુદ્ધ જેવો માહોલ સર્જાયો હતો. મામુલી વાત પરથી શરૂ થયેલો વિવાદ જોત જોતામાં મોટો થઈ ગયો. બંને પક્ષોએ એકબીજા પર લાઠી દંડા વડે હુમલો કર્યો હતો. જેમાં લગભગ 24 લોકો ઘાયલ થયા છે. આ ઘાયલોમાં 9 પોલીસકર્મી પણ સામેલ છે.
9 પોલીસકર્મી ઘાયલ
મામલાને થાળે પાડવા પહોંચેલી પોલીસ પર પણ લોકોએ હુમલો કરી દીધો, જેમાં 6 એસ આઈ સહિત 9 પોલીસકર્મી ઘાયલ થઈ ગયા છે. આ તમામને ઈલાજ માટે હોસ્પિટલમાં દાખલ કરવામાં આવ્યા છે. વિવાદ વધતા જોઈ એસ.પી સંદીપ સિંહ જાતે ઘટના સ્થળે પહોંચી 24 ઉપદ્રવીઓની ધરપકડ કરી હતી. સાથે પોલીસ જાતે જ ફરિયાદી બની હતી. સરકારી કામમાં ખલેલ પહોંચાડનાર 54 નામજોગ અને 50 અજાણ્યા લોકો વિરુદ્ધ ફરિયાદ નોંધી છે.
Trending News
आज चौसा थाना अंतर्गत दो युवा गुटों के बीच हुए विवाद के मामले में मधेपुरा पुलिस द्वारा की गई त्वरित कार्रवाई I@bihar_police pic.twitter.com/lH1nmJGCtS
— Madhepura Police (@MadhepuraPolice) February 7, 2025
ઉપદ્રવીઓની શોધખોળ કરી રહી છે પોલીસ
મળતી જાણકારી મુજબ તે વિસ્તારમાં શુક્રવારની સવારે લગભગ 8:00 વાગે પાનની દુકાન પર પૈસાની લેવડ દેવડને લઈને દુકાનદાર અને ગ્રાહક વચ્ચે વિવાદ થઈ ગયો હતો. જોત જોતામા આ વિવાદએ ઉગ્ર સ્વરૂપ ધારણ કર્યું હતું. લાંબા સમય સુધી મારપીટ થઈ હતી. પોલીસે કેસ નોંધી આ બબાલ કરનાર લોકોની શોધખોળ હાથ ધરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App