January 30, 2025
Vadodara Accident: વડોદરા જિલ્લાના પાદરામાં અકસ્માતની ઘટનાના CCTV સામે આવ્યા છે. જેમાં ટ્રક ચાલકની સામાન્ય ભૂલના કારણે 50 વર્ષીય આધેડનું (Vadodara Accident) કમકમાટી ભર્યું મોત નીપજ્યું છે. ત્યારે આ ઘટનાના પગલે થોડીવાર તો ભારે અફરાતફરી મચી જવા પામી હતી. જે બાદ આ ઘટના અંગે પોલ્સને જાણ થતા જ પોલીસ ઘટનાસ્થળે પહોંચી હતી અને આ બનાવ અંગે વડુ પોલીસે ગુનો નોંધી વધુ તપાસ હાથ ધરી છે.
ટ્રકે ટક્કર મારતા 50 વર્ષના આધેડનું કમકમાટી ભર્યું મોત
વડોદરાના પાદરા જંબુસર હાઈવે પર સહયોગ હોટલના કમ્પાઉન્ડમાં આ ઘટના બની હતી. જેમાં ટ્રકચાલકની બેદરકારીના કારણે 50 વર્ષીય કૌશિક લક્ષ્મણરાવ ભુસાળનું ઘટનાસ્થળે જ કમકમાટી ભર્યું મોત નીપજ્યું હતું. મૃતક વ્યક્તિ વડોદરા શહેરનાં સોમા તળાવ પાસે આવેલી રૂદ્રાક્ષ રેસિડેન્સી પાસે રૂદ્રાક્ષ હાઇટમાં રહેતો હતો. આ ઘટનાને અંજામ આપનાર ટ્રેક ચાલકને વડુ પોલીસે ગણતરીના કલાકોમાં ઝડપી વધુ કાર્યવાહી હાથ ધરી છે.
અકસ્માતની સમગ્ર ઘટના સીસીટીવીમાં કેદ
આ અકસ્માતની સમગ્ર ઘટના સીસીટીવીમાં કેદ થઈ છે. જેમાં 50 વર્ષે કૌશિકભાઈ રોડ પરથી પસાર થઈ રહ્યા હતા. તે દરમિયાન એકાએક ટ્રક તેઓની ઉપર આવી જાય છે અને તેઓ અચાનક નીચે પટકાઈ પડે છે.
Trending News
જ્યાં ટ્રકના આગળના ટાયરના પૈડા ફરી વળે છે અને તેઓને માથાના ભાગે ગંભીર ઇજાઓ પહોંચતા તેઓનું ઘટનાસ્થળે જ મોત નીપજે છે. આ બનાવ બાદ આરોપી ડ્રાઇવર ટ્રક છોડીને ફરાર થઈ જાય છે.
A Young Man died due to mistake of truck driver in padra #accident #youth #died #truckdriver #mistake pic.twitter.com/WjHtNgLBvH
— Vishal Dave (@VishalDave11276) December 13, 2024
પોલીસે ટ્રકચાલકને ઝડપી પાડ્યો
આ સમગ્ર બનાવીને લઈ આસપાસના લોકો દોડી આવ્યા હતા. આ સમગ્ર મામલે સ્થાનિક લોકો દ્વારા વડુ પોલીસને જાણ કરતા તાત્કાલિક પોલીસનો સ્ટાફ ઘટના સ્થળે દોડી આવ્યો હતો. મૃતક વ્યક્તિના મૃતદેહનો કબજો લઈ પોસ્ટમોર્ટમની કાર્યવાહી હાથ ધરવામાં આવી હતી. પોલીસે અકસ્માત નોતરનાર ફરાર ટ્રકચાલકને ગણતરીના કલાકોમાં ઝડપી પાડી વધુ કાર્યવાહી હાથ ધરી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App