સુરતમાં ધોળાદિવસે યુવકને લાકડાના ફટકા મારતા રહ્યા, ને લોકો મુકપ્રેક્ષક બની તમાશો જોતા રહ્યા- જુઓ વિડીયો

સુરત(ગુજરાત): આજકાલ રાજ્યમાં અસામાજિક તત્વોનો આતંક દિવસેને દિવસે વધી રહ્યો છે. ત્યારે સુરતમાંથી પણ એવા ઘણા કિસ્સા સામે આવી રહ્યા છે જેમાં ખુલ્લેઆમ માર-પીટ કરવામાં આવતી હોય છે. આ દરમિયાન, વેસુ વીઆઈપી રોડ વીઆઈપી કોમ્પલેક્ષની પાસે સર્વિસ રોડ પર રવિવારે મોડીસાંજે બાકડા પર બેઠેલા એક યુવકને 3 યુવકો લાકડાના ફટકાથી માર મારવામાં આવ્યો હતો.

જાણવા મળ્યું છે કે, લોકોના ટોળા એકત્ર થયા હતા છતાં યુવકને બચાવવા માટે કોઈ આગળ આવ્યું ન હતું. ઉપરથી મુકપ્રેક્ષક બની લોકો તમાશો જોતા રહ્યા. બીજી બાજુ એક જાગૃત નાગરીક દ્વારા પોલીસને જાણ કરવામાં આવી હતી. આથી ખટોદરા પોલીસ તાત્કાલિક ત્યાં દોડી આવી હતી. પોલીસ આવતાની સાથે જ સૂત્રધાર જીતુ નાયક ત્યાંથી ભાગી ગયો હતો.

પરંતુ, આ દરમિયાન તેના બે સાગરિતો પકડાઈ ગયા હતા. યુવકોનો ઝઘડો કયા કારણથી હતો તે અંગે પોલીસ દ્વારા તપાસ કરવામાં આવી રહી છે. ટૂંકમાં આ ઝઘડા પાછળનું કારણ જીતુ નાયક છે કેમ કે તેના કારણે આ ઝઘડો થયો અને તેણે યુવકને ઢોર માર મારવામાં આવ્યો હતો.

હાલમાં આ અંગે ખટોદરા પોલીસ દ્વારા સામ-સામી ફરિયાદો લેવાની તજવીજ શરૂ કરવામાં આવી છે. હાલમાં પોલીસ દ્વારા માત્ર એટલું જાણવા મળ્યું છે કે, અમે જય અને મિલનને લઈ આવ્યા છે અને બાકી તપાસ કરી રહ્યા છીએ.