આર્થિક સંકટથી ઝઝૂમી રહેલા આ ભારતીય ખેલાડીને મળી 1 લાખની જોબ ઓફર, બસ કરવું પડશે તેને આ કામ

ભારતીય ખેલાડીઓ આજના સમયમાં લક્ઝરી લાઈફ જીવવા માટે જાણીતા છે. આંતરરાષ્ટ્રીય ક્રિકેટ અને લીગ મેચોમાંથી ખેલાડીઓ કરોડોની કમાણી કરે છે. આ પ્રવાસમાં કેટલાક ભૂતપૂર્વ ખેલાડીઓ એવા પણ છે જેઓ આર્થિક તંગીમાં પોતાનું જીવન જીવી રહ્યા છે. હાલમાં જ એક ભારતીય ક્રિકેટર પણ આવી જ સમસ્યાનો સામનો કરી રહ્યો છે. આ ખેલાડીએ હાલમાં જ એક ઈન્ટરવ્યુમાં જણાવ્યું હતું કે તે સંપૂર્ણ રીતે બેરોજગાર છે અને તે બીસીસીઆઈ તરફથી મળતા પેન્શનથી જ જીવી રહ્યો છે.

આ ખેલાડીને મળી નોકરીની ઓફર…
પૂર્વ ભારતીય ક્રિકેટર વિનોદ કાંબલી હાલમાં આર્થિક સંકટનો સામનો કરી રહ્યા છે. તાજેતરમાં જ તેણે આ વાતનો ખુલાસો કર્યો હતો. એક સમયે વિનોદ કાંબલીની જીવનશૈલીની દરેક જગ્યાએ ચર્ચા થતી હતી, પરંતુ આજે તેનો પરિવાર BCCIના 30,000 રૂપિયાના પેન્શનથી ચાલી રહ્યો છે. વિનોદ કાંબલીએ તાજેતરમાં જ કહ્યું હતું કે તે કામની શોધમાં છે. હવે સચિન તેંડુલકરના નજીકના મિત્ર વિનોદ કાંબલીને નોકરીની ઓફર કરવામાં આવી છે.

ખેલાડીએ પોતે જ માંગ્યું હતું કામ…
મિડ-ડેને આપેલી ખાસ મુલાકાતમાં કાંબલીએ મુંબઈ ક્રિકેટ એસોસિએશન (MCA) પાસે નોકરીની માંગણી કરી હતી. પરંતુ તેમને મહારાષ્ટ્રના એક બિઝનેસમેન સંદીપ થોરાટ દ્વારા નોકરીની ઓફર કરવામાં આવી છે. સંદીપ થોરાટે વિનોદ કાંબલીને તેમની કંપની સહ્યાદ્રી ઉદ્યોગ ગ્રૂપના નાણા વિભાગમાં મહિને 1 લાખ રૂપિયાના પગાર સાથે નોકરીની ઓફર કરી છે. જો કે હજુ સુધી આ કામ અંગે પૂર્વ ક્રિકેટર તરફથી કોઈ પ્રતિક્રિયા આપવામાં આવી નથી.

ઈન્ટરવ્યુ દરમિયાન થયો હતો ખુલાસો.|
વિનોદ કાંબલીએ ભારતીય ટીમ માટે 17 ટેસ્ટ મેચ અને 104 વનડે રમી છે. તેણે 17 ટેસ્ટ મેચમાં 1084 રન બનાવ્યા હતા. આ સિવાય તેણે વનડેમાં 2477 રન બનાવ્યા છે. મિડ-ડે સાથે વાત કરતાં કાંબલીએ કહ્યું હતું કે, ‘હું નિવૃત્ત ક્રિકેટર છું અને સંપૂર્ણપણે બીસીસીઆઈના પેન્શન પર નિર્ભર છું.