Oyo હોટેલમાં ગર્લફ્રેન્ડને લઈને જતા પકડાયેલા AAP ધારાસભ્ય ભૂપત ભાયાણી ભાજપમાં જોડાશે

AAP MLA Bhupat Bhayani: લોકસભા ચૂંટણી પહેલા ગુજરાતમાં આમ આદમી પાર્ટીને મોટો ફટકો લાગ્યો છે.વિસાવદરના ધારાસભ્ય ભૂપત ભાયાણી આજે રાજીનામું આપશે. વિગતો મુજબ ભૂપત ભાયાણી(AAP MLA Bhupat Bhayani)એ ધારાસભ્ય પદેથી રાજીનામું આપવાની જાહેરાત કરી દીધી છે.વિસાવદર બેઠક પરથી ચૂંટણી જીતેલા AAP ધારાસભ્ય ભૂપત ભાયાણી ગમે ત્યારે ભાજપમાં જોડાઈ શકે છે.

વિધાનસભા અધ્યક્ષ શંકર ચૌધરી પણ આપશે રાજીનામું. ગુજરાત વિધાનસભા ફરી એકવાર ખંડિત થશે. ભાયાણીના રાજીનામા આપ્યા બાદ AAPનું સંખ્યાબળ ઘટીને ચાર થશે. ભૂપત ભાયાણી રાજીનામું આપતા રાજ્ય વિધાનસભા થશે ખંડિત. ભાયાણીના રાજીનામાથી વિધાનસભાનું સંખ્યાબળ 181 થઇ જશે. . હાલમાં વિસાવદરથી ભૂપત ભાયાણી, ડેડિયાપાડાથી ચૈતર વસાવા, ગારિયાધરથી સુધીર વાઘાણી, જામજોધપુરથી આહીર હેમંત ખવાજી અને બોટાદથી ઉમેશ મકવાણા આપના ધારાસભ્યો છે.

AAP ધારાસભ્ય Bhupat Bhayani કરી શકે છે કેસરિયા

અત્રે ઉલેખનીય છે કે, વિસાવદરના ધારાસભ્ય ભૂપત ભાયાણીએ આમ આદમી પાર્ટી સાથે છેડો ફાડશે અને ધારાસભ્ય પદેથી રાજીનામું આપવાના મૂડમાં છે. ત્યારે ભૂપત ભાયાણીએ ભાજપ પ્રદેશ પ્રમુખ સાથે ગઈકાલે મુલાકાત કરી હતી. તેઓ ઘણા સમયથી ભાજપ સાથે સંપર્કમાં હોવાની પણ માહિતી સામે આવી રહી છે. સુત્રોમાંથી મળતી માહિતી મુજબ, ભૂપત ભાયાણી ગમે ત્યારે ભાજપમાં જોડાય શકે છે. અત્યાર સુધી કોંગ્રેસના ધારાસભ્યો ભાજપમાં આવતા જોવા મળતા હતા, જો કે આ વખતે આમ આદમી પાર્ટીમાં ભંગાણ જોવા મળી રહ્યુ છે.