લીંબડી-રાજકોટ હાઈવે પર ડમ્પર અને બસ વચ્ચે અકસ્માત સર્જાતા 5ના મોત Trishul News

Rajkot Highway Accident: રાજ્યમાં રવિવારે એક ગમખ્વાર અકસ્માતની ઘટના બની છે. સુરેન્દ્રનગર જિલ્લાના લીંબડી-રાજકોટ નેશનલ હાઈવે પર મોરવાડ (Rajkot Highway Accident) નજીક એક ડમ્પર અને ટેમ્પો ટ્રાવેલ્સ વચ્ચે અકસ્માત સર્જાયો હતો. જેમાં એક મહિલા સહિત પાંચ લોકોના ઘટના સ્થળે જ કરૂણ મોત થયા છે. જ્યારે 10થી વધુ લોકો ઈજાગ્રસ્ત થયા છે.

લીંબડી નજીક ટેમ્પો ટ્રાવેલર્સનો ડમ્પર સાથે ગમખ્વાર અકસ્માત
મળતી માહિતી અનુસાર, રાજકોટથી અમદાવાદ જતી ટેમ્પો ટ્રાવેલ્સ એક ડમ્પર પાછળ ટકરાઈ હતી, જેના કારણે અકસ્માત સર્જાયો હતો. જો કે આ ઘટના બનતા જ તાત્કાલિક 108 એમ્બ્યુલન્સની મદદથી ઈજાગ્રસ્તોને હોસ્પિટલ સારવાર માટે ખસેડવામાં આવ્યા છે. બીજી તરફ અકસ્માતના પગલે ટ્રાફિક જામની સ્થિતિ સર્જાઈ હતી. જ્યારે પોલીસ દ્વારા અકસ્માતને લઈને તપાસ શરૂ કરી દેવાઈ છે

પાંચ લોકોના ઘટનાસ્થળે જ મોત
આ અકસ્માત મોરવાડ ગામ નજીકના પુલ પર થયો હતો. જ્યાં એક હાઇ સ્પીડ ડમ્પરે સામેથી આવી રહેલી મીની ટ્રાવેલ્સને ટક્કર મારી હતી. આ અકસ્માતમાં 5 લોકોના ઘટનાસ્થળે જ મોત થયા હતા, જ્યારે 10 થી વધુ લોકો ઘાયલ થયા હતા. મૃતકોમાં એક મહિલાનો પણ સમાવેશ થાય છે. અકસ્માત બાદ હાઇવે પર લાંબો જામ થઈ ગયો હતો. માહિતી મળતા જ પોલીસ અને એમ્બ્યુલન્સ ઘટનાસ્થળે પહોંચી ગઈ અને ઘાયલોને હોસ્પિટલ જઈ જવામાં આવ્યા હતા. પોલીસે પ્રાથમિક તપાસ શરૂ કરી છે અને અકસ્માતના કારણો શોધવામાં આવી રહ્યા છે.