લગ્નમાંથી પરત ફરતાં સર્જાયો અકસ્માત: 3 જીગરી મિત્રોને ભરખી ગયો કાળ Trishul News

Bihar Accident: બિહારના જમુઈમાં એક માર્ગ અકસ્માતમાં ત્રણ મિત્રોના મોત થયા છે. આ ત્રણેય સાથે રમતા અને ભણતા હતા અને આ અકસ્માતનો ભોગ (Bihar Accident) બન્યા પછી, ત્રણેય એકસાથે દુનિયા છોડી ગયા. જ્યારે ત્રણેય યુવાનોના મૃતદેહ હોસ્પિટલ પહોંચ્યા ત્યારે પરિવારના સભ્યોમાં હોબાળો મચી ગયો હતો. પોસ્ટમોર્ટમ બાદ, ત્રણેયના મૃતદેહ તેમના પરિવારજનોને સોંપવામાં આવ્યા હતા. ત્રણેયના અંતિમ સંસ્કાર એકસાથે થયા. જ્યારે ત્રણેયની અંતિમયાત્રા શરૂ થઈ ત્યારે બધાની આંખો ભીની થઈ ગઈ અને સમગ્ર પંથકમાં અરેરાટી મચી ગઈ.

માર્ગ અકસ્માતમાં ત્રણ યુવાનોના મોત
જમુઈના અલીગંજ બ્લોકમાં સિકંદરા-નવાડા મુખ્ય માર્ગ પર મહના ગામ પાસે શનિવારે એક કારનો અકસ્માત થયો હતો. આ અકસ્માતમાં બાબુ ગુપ્તા, વિક્રમ કુમાર અને રિશુ સિન્હાનું મોત થયું હતું છે. ત્રણેય બેગવા ગામમાં એક લગ્ન સમારોહમાં હાજરી આપવા ગયા હતા. લગ્ન સમારોહમાંથી પરત ફરતી વખતે, મહના ગામ નજીક તેમની કાર નિયંત્રણ બહાર ગઈ અને રસ્તાની નજીક એક ઝાડ સાથે અથડાઈ હતી.

પુરપાટ ઝડપે લીધો જીવ
લોકો કહે છે કે કારની ગતિ એટલી વધારે હતી કે કારના બંને ટાયર ફાટી ગયા હતા અને દૂર પડી ગયા હતા. જે બાદ કારમાં મુસાફરી કરી રહેલા ત્રણેય યુવાનોના ઘટનાસ્થળે જ મોત નીપજ્યા હતા. સાથે જ રોહિત કુમાર નામનો એક યુવાન ઘાયલ થયો છે. જેમની સારવાર ચાલી રહી છે.

સાથે રમ્યા, ભણ્યા અને સાથે જ દુનિયા છોડી દીધી…
ત્રણેય મૃતકો ખૂબ જ સારા મિત્રો હતા. ત્રણેય રજાનો આનંદ માણવા માટે સાથે ગયા હતા. પણ નિયતિની કોઈ બીજી જ યોજના હતી. શનિવારે બપોરે, ત્રણેય મિત્રોની અંતિમયાત્રા એકસાથે નીકળી. ત્રણેયના અંતિમ સંસ્કાર કિઉલ નદી ઘાટ પર કરવામાં આવ્યા હતા. લોકો કહી રહ્યા હતા કે ત્રણેય મિત્રોએ સાથે સમય વિતાવ્યો. તેઓ એકબીજાના સુખ-દુઃખમાં સાથે રહેતા હતા. ત્રણેય એકસાથે દુનિયા છોડી ગયા. આ ઘટનાએ બધાને હચમચાવી નાખ્યા છે.