વડોદરા નજીક સર્જાયો ગંભીર અકસ્માત: વહેલી સવારે સ્ટીયરીંગ પરથી કાબુ ગુમાવતા ઘટના સ્થળે જ 2ના મોત 

આજકાલ અકસ્માતની ઘટનામાં એટલો વધારો જોવા મળ્યો છે કે, લગભગ 50% લોકોના મૃત્યુ રોડ અકસ્માતમાં થતાં હશે. આ દરમિયાન ફરીવાર એક અકસ્માત સામે આવ્યો છે જેમાં પાદરા નજીક કરજણ રોડ પર ભયંકર અકસ્માત સર્જાયો હતો જેમાં બે વ્યક્તિઓના મોત નીપજ્ય હતાં.

વડોદરા નજીક આવેલ પાદરા-કરજણ રોડ પર શુક્રવારના રોજ એક વિચિત્ર અકસ્માત સર્જાયો હતો. તાંદળજાનો યુવક અને સાવલીની યુવતી પુત્ર સાથે વડોદરાથી કરજણ તરફ જઈ રહ્યા હતા. આ દરમિયાન પુર ઝડપે કાર ચલાવી રહેલા યુવકે કારના સ્ટીયરીગ પરથી કાબુ ગુમાવી દીધું હતું અને કાર રોડની બાજુમાં આવેલા ઝાડ સાથે ધડાકાભેર અથડાઇ હતી. કાર ઝાડ સાથે અથડાતા કારનો કચ્ચરખાણ વળી ગયો હતો.

ત્યારે આ અકસ્માતમાં કાર ચાલક યુવક અને યુવતીનું ઘટના સ્થળે જ મોત નીપજ્યું હતું, ત્યારે આશરે 10 વર્ષના કિશોરનો બચાવ થયો હતો. ઘટનાને પગલે કારમાં ફસાયેલા લોકોને બચાવવા માટે સ્થાનિક લોકો ત્યાં દોડી આવ્યા હતા. આ દરમિયાન જાણવા મળ્યું છે કે, સ્થાનિક લોકો દ્વારા બે જેસીબી મશીનની મદદથી ત્રણેય લોકોને કારમાંથી બહાર કાઢવામાં આવ્યા હતા. આ ઉપરાંત પાદરા પોલીસ તથા વડોદરા ફાયર સહિતનું વહીવટી તંત્ર પણ ઘટના સ્થળે પહોંચ્યું હતું.