16 વર્ષની છોકરીએ લીધો માતા-પિતાનાં મોતનો બદલો, 3 આતંકવાદીઓને કર્યા ઠાર

વિશ્વમાં પોતાના આતંકવાદીઓની માટે કુખ્યાત એવું અફઘાનિસ્તાનમાં એક 16 વર્ષની છોકરીએ એવો બદલો લીધો છે, કે જે ચર્ચાનો વિષય બની ગઈ છે. અફઘાનિસ્તાનમાં આવેલ ઘોર વિસ્તારમાં રહેનાર કમર ગુલે તાલિબાન આતંકવાદીઓને એવો પાઠ ભણાવ્યો કે જેનાથી તેઓ ધ્રુજી ઉઠ્યા હતાં. કમર ગુલ પોતાના માતા-પિતાની હત્યા કરનાર તાલિબાની આતંકવાદીઓની વિરુદ્ધ સિંહણ બની અને AK-47 ઉઠાવીને કુલ 3 આતંકવાદીઓને ઠાર કરી દીધા હતાં.

તેનો આ બદલો આખાં વિશ્વમાં ચર્ચાનો વિષય બની ગયો છે. તાલિબાન આતંકવાદીઓએ સરકારનું સમર્થન કરવા બદલ ગુલનાં ઘરમાં ઘુસીને તેના માતા-પિતાને મારી નાંખ્યા હતા, જેનો ગુલે સંપૂર્ણ બદલો લીધો હતો. ગામ પર કુલ 40 થી પણ વધુ આતંકવાદીઓએ હુમલો કર્યો હતો.

જણાવવામાં આવી રહ્યું છે, કે 17 જુલાઈની રાતનાં 1 વાગ્યે અફઘાનિસ્તાનનાં ઘોર પ્રાંતમાં ગયાં અઠવાડિયે તાલિબાની આતંકવાદીઓએ ગુલનાં ઘરમાં ઘુસીને તેના માતા-પિતાને મારી નાંખ્યા હતા. ત્યારપછી કમર ગુલ બહાર નીકળીને AK-47 થી તાબડતોડ ફાયરિંગની શરૂઆત કરી દીધી હતી.

કમર ગુલની સાથે તેનો ભાઈ પણ હાજર રહ્યો હતો. લગભગ 1 કલાક સુધી ચાલેલા ગોળીબારમાં કુલ 3 આતંકવાદીઓ માર્યા ગયા હતાં. ત્યારપછી બીજા આતંકવાદીઓ પણ ગુલનાં ઘરે આવ્યા હતાં, પણ ગામવાળાનાં સહકારથી સરકારનાં સમર્થકોએ આતંકવાદીઓને ભગાડી દીધા હતાં.