November 05, 2024
Raj Yadav success story: જો તમે તમારા સપનાને સાકાર કરવા માંગો છો તો તમારે તેને પાછળ લાગી રહેવું પડે. આ વાતને વાસ્તવિકતા બનાવનાર સુરતના રાજ યાદવની કહાની પણ આવી જ છે. રાજએ 2010 માં ભારતીય સેનામાં ક્લાર્ક તરીકે જોડાયો હતો પરંતુ તેના ખભા પર ચમકતા તારાઓ જોવાનું સ્વપ્ન પૂરું કરવા માટે પરીક્ષા આપવાનું ચાલુ રાખ્યું. ઘણા અસફળ પ્રયાસો પછી, હિંમત હાર્યા વિના, તેણે આ વર્ષે ભારતીય સેનામાં (Raj Yadav success story) પરીક્ષા પાસ કરી અને લેફ્ટનન્ટ તરીકે પસંદગી પામી. પોતાની સફર વિશે વાત કરતા રાજે કહ્યું કે..
વર્ષ 2010માં હું ભારતીય સેનામાં ક્લાર્ક તરીકે જોડાયો. જોકે, તે સમયે હું ધો. 12મા સુધી જ ભણ્યો હતો. પછી મેં સેવાની સાથે અંતર શિક્ષણ દ્વારા મારું ગ્રેજ્યુએશન અને માસ્ટર્સ પૂર્ણ કર્યું. જીવનમાં કંઈક મોટું હાંસલ કરવાની ઈચ્છા મારા મનમાં જાગી. જેથી કરીને હું મારા જીવનને અર્થપૂર્ણ બનાવી શકું. તેથી મેં લેફ્ટનન્ટ બનવાનું વિચાર્યું અને પરીક્ષાની તૈયારી શરૂ કરી.
આ વર્ષના સફળ પ્રયાસ પહેલા, મેં કુલ 3 અસફળ પ્રયાસો જોયા છે. મેં ક્યારેય નિષ્ફળતાથી પીછેહઠ કરી નથી અને મારા લક્ષ્યોને પ્રાપ્ત કરવાનું ચાલુ રાખ્યું છે. આખરે મને આ સફળતા મળી. એક સામાન્ય કારકુન બનવાથી લઈને સેનામાં ઓફિસર બનવા સુધીની મારી સફર 13 વર્ષ લાંબી છે.
Trending News
જો કે આર્મીમાં ગુજરાતીઓની હાજરી ઘણી ઓછી છે, પરંતુ જ્યારે હું આણંદના બ્રિગેડિયર પટેલને મળ્યો ત્યારે મને થયું કે ગુજરાતી હોવા છતાં હું સેનામાં ઓફિસર બની શકું છું. આટલું જ નહીં, હું ખૂબ જ ખુશ છું કે છેલ્લા 13 વર્ષમાં મારા 25 મિત્રો પણ મને જોઈને ભારતીય સેનામાં જોડાયા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube