June 16, 2024
દેશમાં દિવસેને દિવસે વધી રહેલી મોંઘવારીએ સામાન્ય જનતાની કમર તોડી નાખી છે. પેટ્રોલ, ડીઝલ, LPG ના દર આસમાને પહોંચી ગયા છે. CNG અને PNG ના ભાવમાં પણ વધારો થયો છે અને ભાવ આસમાને પહોંચી ગયો છે. ખાદ્યતેલો, ખાદ્ય ચીજોના દર પણ સામાન્ય માણસની પહોંચની બહાર નીકળી રહ્યા છે. તમને લોકોને એમ લાગતું હોય કે મુશ્કેલીઓ ધીમે ધીમે ઓછી થતી જશે, પરંતુ હજુ તો આ ટ્રેલર છે પિક્ચર તો હજુ બાકી છે.
હવે મોંઘવારીનો આંચકો આપવાનો વારો ટ્રાન્સપોર્ટનો છે. આગામી દિવસોમાં ટ્રાન્સપોર્ટરો પણ નૂર વધારવાની યોજના બનાવી રહ્યા છે. મોંઘા ડીઝલની અસર ટ્રાન્સપોર્ટરોને પણ પડી છે તેથી હવે તેઓ ભાડામાં પણ 20 ટકાનો વધારો કરવા જઈ રહ્યા છે. છેલ્લા બે મહિનાથી આવશ્યક ચીજવસ્તુઓના ભાવમાં વધારો થયો છે જેને લઈને ચારેબાજુ મોંઘવારી જોવા મળશે અને સામાન્ય માણસની મુશ્કેલી પણ વધશે.
આ વધારા પાછળ ટ્રાન્સપોર્ટરો કહે છે કે કોરોના મહામારીને કારણે કુલ માંગમાં નોંધપાત્ર ઘટાડો થયો છે. જેના કારણે કમાણીમાં કોઈ વધારો થયો નથી. વધતા જતા ખર્ચને કારણે ટ્રાન્સપોર્ટરો પાસે ભાડુ વધારવા સિવાય અન્ય બીજો કોઈ વિકલ્પ નથી. દેશની સૌથી જૂની પરિવહન સંગઠન ઓલ ઈન્ડિયા મોટર ટ્રાન્સપોર્ટ કોંગ્રેસ (એઆઈએમટીસી) ની કોર કમિટીના અધ્યક્ષ બાલ મલકિત સિંઘ કહે છે કે કોરોના પહેલા તેની એક ટ્રક દિલ્હી અને મુંબઇ વચ્ચે 3 થી 4 સફરો કરતી હતી. પરંતુ હવે સ્થિતિ એવી છે કે ફક્ત 2 રાઉન્ડ જ શક્ય છે એટલે કે મહિનામાં સાડા ત્રણ લાખની આવક ઘટીને બે લાખ રૂપિયા થઈ ગઈ છે.
પેટ્રોલ અને ડીઝલની કિંમતોમાં વધારાને કારણે આવશ્યક ચીજવસ્તુઓની કિંમતોમાં વધારો થવા લાગ્યો છે અને આ કોરોના સમયગાળામાં સામાન્ય લોકો માટે બમણો ફટકો સાબિત થઈ રહ્યો છે. તેલના વધતા ભાવને લીધે ખેડૂતના ખર્ચમાં ઘણો વધારો થયો છે અને ખર્ચમાં વધારા મુજબ તેને ભાવ મળતો નથી. તેથી સપ્લાય અને માંગના ગાબડાને કારણે ફળો અને શાકભાજીના ભાવો આસમાને આંબી રહ્યા છે.
મુંબઇના APMCના ડિરેક્ટર અને જથ્થાબંધ ફળ વેચનાર સંજય પાનસરેના કહેવા પ્રમાણે, ‘ખેડૂતની કિંમત વધી રહી છે, જે ગ્રાહકને અસર કરી રહી છે. ભાવવધારાને રોકવા માટે ડીઝલના ભાવો પર કાબૂ રાખવો જરૂરી છે. માંગમાં ઘટાડો અને ખર્ચમાં વધારાને કારણે ટ્રાન્સપોર્ટરો હપ્તા અને ટેક્સમાં મુક્તિ તેમજ એક્સાઈઝ અને વેટમાં રાહતની માંગ કરી રહ્યા છે.
Trending News
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.