ભારતના 25 કરોડ કુર્મી સમાજના લોકો ઉભું કરશે તાકાતવર બિનરાજકીય સંગઠન, ઉમિયાધામ ઉંજા ખાતે યોજાયું સંમેલન

Ahemdabad(અમદાવાદ): લગભગ છેલ્લા ત્રણ દાયકાથી પાટિદાર સમાજ(Patidar samaj)ની તમામ સંસ્થાઓમાં સેવા આપી રહેલા ઉમેશ હાંસલિયા અને યુવા આગેવાન સંજય પટેલ દ્વારા આ બે દિવસીય ચિંતન શિબિરનું આયોજન કરવામાં આવ્યું હતું. સમગ્ર દેશમાં દરેક રાજ્યમાં વસવાટ કરતા અને કૃષિક્ષેત્ર સાથે સંકળાયેલા કૂર્મી – કુનબી – કણબી- કૂર્મી મરાઠા- કમ્મા – પાટીદાર સમાજને એક બેનર હેઠળ લાવીને તેમનાં સામાજિક પુનરુત્થાન તેમજ એકતાનાં ઉદ્દેશ્યથી ઉંઝા મંદિર હેઠળ આવતાં સોલા સ્થિત ઉમીયા કેમ્પસ ખાતે બે દિવસીય ચિંતન શિબિરનું આયોજન કરવામાં આવ્યું હતું.

ભારતના 25 કરોડ કુર્મી સમાજના લોકો ઉભું કરશે તાકાતવર બિનરાજકીય સંગઠન
જેમાં દસ જેટલા રાજયોના કૂર્મી સમાજના સામાજિક આગેવાનોએ ઉપસ્થિત રહીને 25 કરોડથી વધારે કૂર્મી ભાઈઓ – બહેનો માટે એકતા સ્થાપિત કરવાની નેમ સાથે રાષ્ટ્રિય સ્તર પર એક શક્તિશાળી સંગઠનની રચના કરવાનો નિર્ણય લીધો હતો. 8 અને 9 એપ્રિલના દિવસે ચાર સત્રમાં કૂર્મી પાટીદાર સમાજનાં વિવિધ વિષયોને લઈ ઉપસ્થિત તમામ સામાજિક આગેવાનોએ ચિંતન કરી સમાજની સમસ્યાઓ અને તેના હલ બાબતે પોતપોતાના વિચારો રજૂ કર્યા હતા.

તેમજ સંગઠનનાં માધ્યમથી સમાજનીતિનું નિર્માણ કરવાની જરૂરત પર ભાર મૂક્યો હતો. છેલ્લા ઘણા દાયકાઓથી દેશમાં કૂર્મી પાટીદાર સમાજની અનેક સંસ્થાઓ કાર્યરત હોવા છતાં સમાજ હજૂ પણ તેની ઓળખ અને અસ્તિત્વ માટે ઝઝૂમી રહયો હોય તેવી પરિસ્થિતી છે. લોકતંત્રનાં ચાર સ્તંભ એવાં સંસદ, ન્યાયપાલિકા, અમલદાર તંત્ર અને મીડીયા માં 25 કરોડની આબાદી ધરાવતાં,

અને દેશનાં મોટા ભાગનાં વિસ્તારોમાં કૃષિ ક્ષેત્ર સાથે સંકળાયેલા આ સમાજની પૈઠ નામ માત્રની હોવાનો વસવસો ઉપસ્થિત આગેવાનોએ વ્યક્ત કરી શિક્ષણ, વ્યાપાર, ઉદ્યોગ સહિત નાં દરેક ક્ષેત્રમાં પરસ્પર સહયોગ માટે વિવિધ પ્રકલ્પો શરૂ કરવા પર ભાર મૂકવામાં આવ્યો હતો. સર્વોચ્ચ આસ્થાના કેન્દ્ર એવાં ઉમાધામ ઉંઝા મંદિર અને વિશ્વ ઉમિયા ધામ ખાતે બહારનાં રાજ્યોમાંથી પધારેલા કૂર્મી સમાજના અગ્રણીઓનું સ્વાગત-સન્માન કરવામાં આવ્યું.