શરુ ડયુટીએ એમ્બ્યુલન્સ ડ્રાઈવર કરી રહ્યો હતો આરામ, અચાનક એવી ઘટના સર્જાઈ કે…

સમગ્ર રાજ્યમાં કોરોના સંક્રમણની સાથે જ ચોરી, લુંટફાટ જેવી ઘટનાઓમાં પણ સતત વધારો જ થઈ રહ્યો છે. રાજ્યમાંથી આવી જ એક ઘટના અમદાવાદમાંથી સામે આવી રહી છે. અત્યાર સુધીમાં ઘણી દુકાનોમાં અથવા તો ઘરોમાં ચોરી થઇ હોવાની ઘટનાઓ સામે આવી હતી પણ હાલમાં અમદાવાદ શહેરમાં તસ્કરો એટલા બેફામ બન્યા છે કે, જેને લીધે અવારનવાર ચોરીની ઘટના સામે આવી રહી છે.

હાલમાં 108 એમ્બ્યુલન્સમાંથી તસ્કરો ચાર્જિંગમાં મૂકેલ કુલ 2 મોબાઇલ ફોન ચોરી કરીને ભાગી ગયા છે. આ મામલે પોલીસ ફરિયાદ નોંધવામાં આવી છે. જો કે, આ મામલે તસ્કરોએ કરેલ ચોરીની સાથે 108 નાં કર્મચારીની બેદરકારી પણ ગણી શકાય છે.

નરોડામાં રહેતાં જીતેન્દ્રભાઈ ભૂનેતર 108 ઇમરજન્સી મેડિકલ ટેકનિશિયન તરીકે છેલ્લા 4 વર્ષથી નોકરી કરી રહી છે. કુલ 2 વર્ષથી શાહઆલમમાં 108નાં લોકેશન પર ઇન્ચાર્જ તરીકે ફરજ બજાવી રહ્યાં છે. જેમાં તેઓને સરકારી મોબાઈલ પણ આપવામાં આવ્યો છે.

2 દિવસ અગાઉ તેઓની શિફ્ટ દરમિયાન તેઓ હાજર હતા ત્યારે 108 વાનનાં પાયલોટ બળદેવભાઈ પણ હાજર હતા. આ દરમિયાન એમને એક ઇમરજન્સી કોલ એટેન્ડ કર્યા પછી છેલ્લે 1 વાગ્યાનો કોલ પૂરો કરીને પાયલોટની સાથે આરામ કરી રહ્યાં હતા. 3 વાગ્યે એક ફોન આવ્યો હતો. જે ઈસનપુરથી LG હોસ્પિટલનો હતો.