March 26, 2025
Ahmedabad Criminal List: અમદાવાદના વસ્ત્રાલની ઘટના સરકાર અને પોલીસતંત્ર એલર્ટ મોડમાં આવી ગયું છે. રાજ્ય પોલીસ વડા દ્વારા અસામાજિક તત્ત્વો (Ahmedabad Criminal List) સામે કાર્યવાહી કરવા અને યાદી બનાવવાની સૂચના બાદ રાજ્યભરમાંથી અસામાજિક તત્ત્વોની યાદી તૈયાર કરાઇ હતી. ત્યારે અમદાવાદમાં અસામાજિક તત્ત્વો સામે તંત્ર દ્વારા કાર્યવાહીનો સિલસિલો યથાવત જોવા મળી રહ્યો છે. પોલીસ અને સ્પેશિયલ મોનિટરિંગ સેલ દ્વારા આરોપીઓની બીજી યાદી તૈયાર કરાઇ છે. જેમાં 10 જેટલા ગુનેગારો વિરૂદ્ધ કાર્યવાહી થઈ શકે છે.
અમદાવાદ શહેરમાં કાયદો અને વ્યવસ્થાની પરિસ્થિતિ જળવાઈ રહે તે માટે શહેર પોલીસ કમિશનર દ્વારા શહેરમાં અસામાજિક પ્રવૃત્તિ કરતા કુલ 12 ઈસમોની ધરપકડ કરી પાસાની કાર્યવાહી કરી રાજ્યની સુરત જેલમાં ધકેલી દીધા છે અને 5 ઈસમોને તડીપાર કરવા કાર્યવાહી હાથ ધરી છે.
રાજ્યના 7612 અસામાજિક તત્ત્વોની યાદી તૈયાર
રાજ્ય પોલીસ વડાના આદેશ બાદ ગુનાહિત પ્રવૃત્તિ કરનારા 7612 શખ્સોની યાદી તૈયાર કરી છે. જેમાં 3264 બુટલેગરો, 2149 શરીર સંબંધિત, 958 મિલકત સંબંધિત, 516 જુગાર, 545 અન્ય શખ્સોની યાદી તૈયાર કરી છે. ત્યારબાદ આ તમામ શખ્સો વૉચ રાખવાની સાથે તેમના ગેરકાયદે દબાણો, વીજ જોડાણ, શંકાસ્પદ આર્થિક વ્યવહાર સહિતની તપાસ કરવામાં આવશે.
જ્યારે અમદાવાદ શહેરના 25, મોરબીના 12, સુરતના 7, ગાંધીનગરના 6, વડોદર શહેરના 2 સહિત કુલ 59 વિરૂદ્ધમાં પાસાનો અને 10 જેટલાં શખ્સો વિરૂદ્ધમાં હદપારની કાર્યવાહી સહિત 724 શખ્સો સામે અટકાયતી પગલાં લેવામાં આવ્યા છે. જેમાં પોલીસ દ્વારા આરોપીઓના ગેરકાયદે વીજ જોડાણ, દબાણો વગેરે મામલે તપાસ કરીને કાયદેસરની કાર્યવાહી કરવામાં આવશે.
Trending News
1100 જેટલા આરોપીઓની યાદી પણ તૈયાર
નોંધનીય છે કે, આ પહેલાં પણ પોલીસે સમગ્ર અમદાવાદમાં સક્રિય હોય તેવી 10 જેટલી ગેંગની યાદી તૈયાર કરી છે. જેમાં ઘાટલોડિયા, વાડજ, ખોખરા, અમરાઇવાડી, જુહાપુરા, નારોલ, વટવા સહિતના વિસ્તારોમાં સક્રિય હોય તેવી ગેંગનો સમાવેશ થાય છે. જેમાં વેપારીઓ પાસે ખંડણી માંગવી, ડ્રગ્સના નેટવર્ક ચલાવવા, જમીન સહિતની મિલકતો હડપ કરવી, લૂંટ કરવાના ગુનામાં સંડોવાયેલી ગેંગનો સમાવેશ થાય છે.
અમદાવાદ શહેરમાં કાયદો અને વ્યવસ્થાની પરિસ્થિતિ જળવાઈ રહે તે માટે શહેર પોલીસ કમિશનરશ્રી નાઓ દ્વારા શહેરમાં અસામાજિક પ્રવૃત્તિ કરતા કુલ ૧૨ ઈસમોની ધરપકડ કરી પાસાની કાર્યવાહી કરી રાજયની સુરત જેલમાં મોકલી આપેલ છે અને ૫ ઈસમોને તડીપાર કરવા કાર્યવાહી હાથ ધરી છે.@sanghaviharsh… pic.twitter.com/iMMLAw8xQO
— Ahmedabad Police અમદાવાદ પોલીસ (@AhmedabadPolice) March 22, 2025
ઉપરોક્ત વિવિધ ગેંગ વિરૂદ્ધ શહેરના અનેક પોલીસ સ્ટેશન ઉપરાંત, રાજ્યના અન્ય પોલીસ સ્ટેશનોમાં પણ ગુના નોંધાયેલા છે. ત્યારે ગુનાની ગંભીરતાને આધારે પોલીસ દ્વારા કેટલાંક તત્ત્વો વિરૂદ્ધ ગુજસીટોકના ગુના પણ નોંધાઈ શકે છે. અમદાવાદ પોલીસે માથાભારે ગેંગ ઉપરાંત, બે કે તેથી વઘુ ગુના નોંધાયા હોય તેવા 1100 જેટલા આરોપીઓની યાદી પણ તૈયાર કરી છે. આ યાદીને રાજ્ય પોલીસ વડાને મોકલીને ગુનાની ગંભીરતાને આધારે કાર્યવાહી કરવાની ગાઇડલાઇન નક્કી કરાશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App