લોહીલુહાણ થયો હાઈવે: આણંદ નજીક કાર અને ટ્રક વચ્ચે સર્જાયો અકસ્માત, 3 યુવકોના કરુણ મોત- ‘ઓમ શાંતિ’

ગુજરાત(Gujarat): આણંદ(Anand) નજીકથી પસાર થતા એક્સપ્રેસ વે પર સોમવારના રોજ સવારના પોરમાં પુરપાટ ઝડપે જઈ રહેલી કાર આગળ જઈ રહેલી ટ્રક સાથે ધડાકાભેર અથડાતા ગોઝારો અકસ્માત(Accident) થયો હતો. જેમાં કારમાં સવાર ત્રણ યુવકના કરુણ મોત નિપજ્યાં હતાં. જે પૈકી એક યુવકનો આજે જન્મદિવસ હતો. જેને કારણે જન્મદિવસથી ઉજવણી કરીને આ યુવકો અમદાવાદથી વડોદરા(Ahmedabad to Vadodara) જઈ રહ્યા હતા. આ ઘટનાનાની જાણ થતા જ ખંભોળજ પોલીસ સ્થળ પર પહોંચી ગઈ હતી. જોકે, તે પહેલા અકસ્માતના કારણે ટ્રાફિક જામ સર્જાયો હતો. જે પોલીસ દ્વારા ક્લીયર કરાવવામાં આવ્યો હતો.

યુવકો પૂરપાટ ઝડપે ચલાવી રહ્યા હતા કાર:
મળતી માહિતી અનુસાર, અમદાવાદમાં રહેતા અમન પ્રતાપસિંહ નરવાણ (ઉ.વ.17), માર્ક ક્રિશ્ચિયન (ઉ.વ.19), ધ્રુમિલ સમીરભાઈ બારોટ (ઉ.વ.20), મંથન દવે, અભિષેક લક્ષ્મણ પવાર સહિતના મિત્રો કાર નંબર GJ 18 BF 8813 લઇને અમદાવાદથી વડોદરા તરફ જઇ રહ્યાં હતાં. તેઓની કાર એક્સપ્રેસ વે પર પુરપાટ ઝડપે પસાર થઇ રહી હતી, ત્યારે વ્હેરાખાડી પાસે આગળ જઈ રહેલી ટ્રક સાથે કાર ધડાકાભેર અથડાઇ હતી અને કચ્ચરઘાણ નીકળી ગયો હતો.