રસ્તા પર ચાલતા ડમ્પરનું હાઇડ્રોલિક્સ ખુલી જતા પુલ સાથે અથડાયું ઠાઠું અને સર્જાયો ગંભીર અકસ્માત – જુઓ વિડીયો

ગુજરાતનાં અમુક શહેરમાં ફોર વ્હીલર વાહનો સિવાયના વાહનોના પ્રવેશ અને તેના આવરજાવર અંગે દિવસ દરમિયાન ચોક્કસ સમય નિર્ધારિત કરવામાં આવ્યો છે. સરખેજ ગાંધીનગર હાઇવે પણ અમદાવાદ શહેરમાં આવી જતો હોવાથી આ નિયમ ત્યાં પણ લાગુ પડે છે.

ત્યારે એસજી હાઇવે પર જંગલી ઢોરની જેમ હંકાવતા ડમ્પરો કોઈનો જીવ લઈ લે એવી એક ઘટના સામે આવી છે. હકીકતમાં અકસ્માતનો વીડિયો વાયરલ થયો છે. આ વીડિયોમાં એક ડમ્પરનું હાઇડ્રોલિક્સ ખુલ્લી જતા ડમ્પરનું ઠાઠું જોરદાર રીતે પુલ સાથે અથડાય છે.

ભાગ્યવશાત આ અકસ્માતમાં કોઈને પણ જાનહાનિ થઈ નથી. પરંતુ આ પ્રકારના ડમ્પરોની અટકાયત કરવી ખુબ જ આવશ્યક છે.આ અકસ્માતનો વીડિયો સોશિયલ મીડિયા પર વાયરલ થઈ રહ્યો છે. કોઈ જાગૃત નાગરિકે આનો વીડિયો ઉતારી લીધો હતો. જેના કારણે ડમ્પર ચાલકની હરકત જોવા મળી હતી.

અમદાવાદ : ટ્રકનું હાઇડ્રોલિક્સ ખુલી જતા ઓવરબ્રિજ સાથે ઠાઠું ધડાકાભેર અથડાયું, અકસ્માતનો વીડિયો વાયરલ pic.twitter.com/NMNp1iV352

— News18Gujarati (@News18Guj) November 1, 2020

ઘટનાની વિગત તપાસતા જણાયું હતું કે, આ આ અકસ્માત અમદાવાદ શહેરના હાર્દ સમા સરખેજ ગાંધીનગર હાઇવે પર આવેલા ગોતા ઓવરબ્રીજ નીચે બન્યો હતો.નાગરિક દ્વારા ઉતારવામાં આવેલ વીડિયોમાં એક ડમ્પર જોવા મળે છે. આ ડમ્પરનું હાઇડ્રોલીક્સ ખુલી જતા તેનું ઠાઠું ઊંચું થઈ ગયું હતું.