November 18, 2024
Ahmedabad Flower Show 2024: અમદાવાદ શહેરનો ફ્લાવર શોનો ડંકો આખા વિશ્વમાં વાગ્યો છે. અમદાવાદના 11માં ફ્લાવર શોને લોંગેસ્ટ ફ્લાવર( Ahmedabad Flower Show 2024 ) સ્ટ્રકચર માટે ગીનીસ બુક ઓફ વર્લ્ડ રેકોર્ડસમાં સ્થાન પ્રાપ્ત થયું છે. આ પહેલા વર્ષ 2014માં ચાઇનાના નામે 166 મીટરનો રેકોર્ડ હતો. અમદાવાદ મ્યુનિસિપલ કોર્પોરેશનના ઈતિહાસમાં સૌ પ્રથમ વખત 221 મીટર ફ્લાવર સ્ટ્ર્ક્ચર બનાવી ચાઇનાનો રેકોર્ડ તોડી નાંખ્યો છે.
11મો ફ્લાવર શો
દરેક વ્યક્તિ અમદાવાદમાં આ ફૂલ પ્રદર્શનના સાક્ષી બનવા માંગે છે. મહાનગરપાલિકાના જણાવ્યા અનુસાર પાંચ દિવસમાં 3 લાખથી વધુ લોકો આવ્યા છે અને 15 જાન્યુઆરી સુધીમાં આ સંખ્યા 10 લાખને પાર કરી જશે. ફ્રાન્સનું એક પ્રવાસી યુગલ ફૂલોનું પ્રદર્શન જોઈને અભિભૂત થઈ ગયું અને કહ્યું કે આ અદભૂત નજારો છે. અમે ફ્રાન્સમાં પણ આ કરી શક્યા નથી.અમદાવાદ મ્યુનિસિપલ કોર્પોરેશન દ્વારા આ વખતે આયોજિત 11મો ફ્લાવર શો છે. જે રીતે આંતરરાષ્ટ્રીય સ્તરે ફૂલ પ્રદર્શનો યોજવામાં આવે છે. તે આ રીતે તૈયાર કરવામાં આવ્યું છે. ભારતીય વારસાથી લઈને નવીનતમ ચંદ્રયાન સુધીની કલાકૃતિઓ અહીં પ્રદર્શિત કરવામાં આવી છે. જેમાં વડનગરનું કીર્તિ સ્તંભ, મોઢેરા સૂર્ય મંદિર, સરદાર વલ્લભભાઈ પટેલ, નવું સંસદ ભવન, ચંદ્રયાન અને સાત ઘોડા પ્રદર્શિત કરવામાં આવ્યા છે. પ્રદર્શનમાં 15 લાખથી વધુ ફૂલોના છોડ રાખવામાં આવ્યા છે. તેણે સમગ્ર લેન્ડસ્કેપમાં આર્ટવર્કને સાચવી રાખ્યું છે. પાંચ દિવસમાં 3 લાખથી વધુ ટિકિટનું વેચાણ થયું છે અને 12 વર્ષ સુધીના બાળકોને ફ્રી એન્ટ્રી આપવામાં આવી રહી છે. 15 જાન્યુઆરી સુધીમાં 10 લાખથી વધુ મુલાકાતીઓની અપેક્ષા છે.
આટલી આવક થઇ
11 દિવસમાં કુલ 5 લાખ 73 હજારથી વધુ ટિકિટનું વેચાણ થયું. આ ફ્લાવર શો માંથી AMCને 3 કરોડ 45 લાખની આવક થઈ છે. 50 થી વધુ શાળાનાં બાળકોએ પણ ફ્લાવર શો ની મુલાકાત લીધી હતી.
Trending News
ગીનીસબુક ઓફ વર્લ્ડ રેકોર્ડસમાં સ્થાન આપવામાં આવ્યુ
ફક્ત સ્થાનિકો જ નહીં આ શો નિહાળવા માટે વિદેશમાંથી પણ મહેમાનો પણ આવી રહ્યા છે. એએમસી દ્વારા આયોજન કરેલ ફ્લાવર શોને લોંગેસ્ટ ફ્લાવર સ્ટ્રક્ચર માટે ગિનીઝ વર્લ્ડ રેકોર્ડમાં સ્થાન મળ્યું છે. અગાઉ આ રેકોર્ડ 166 મીટરનો ચીનનાં નામે હતો.અમદાવાદ મ્યુનિસિપલ કોર્પોરેશનના 74 વર્ષના ઈતિહાસમાં સૌ પ્રથમ વખત મ્યુનિ.તંત્રની કોઈ બાબતને ધ્યાનમાં લઈ ગીનીસબુક ઓફ વર્લ્ડ રેકોર્ડસમાં સ્થાન આપવામાં આવ્યુ છે. ગીનીસ બુકની એક ટીમ અમદાવાદ પહોંચી હતી. જયાં મેયર પ્રતિભા જૈન, મ્યુનિ.કમિશનર એમ.થેન્નારસન સહિત અન્ય પદાધિકારીઓની ઉપસ્થિતિમાં વિશ્વના સૌથી ઉંચાઈ ધરાવતા ફલાવર સ્ટ્રકચર માટે સર્ટિફિકેટ આપવામા આવ્યુ હતુ.
દેશ વિદેશથી પણ લોકો જોવા માટે આવ્યા
ફલાવર એક્ઝિબિશનની મુલાકાતે આવેલા એક ફ્રેન્ચ કપલે કહ્યું કે ભારત આવીને ખૂબ આનંદ થયો. જે રીતે ફૂલોનું પ્રદર્શન કરવામાં આવ્યું છે તે અદભૂત છે. અહીં અનેક પ્રકારના ફૂલો જોવા મળ્યા છે. ફ્રાન્સમાં પણ આવા જ ફૂલો છે પરંતુ અમે તેને ફ્રાન્સમાં આ રીતે પ્રદર્શિત કરી શક્યા નથી. તે ખૂબ જ વિશાળ છે અને ફૂલોની ઘણી જાતો જોવા મળી છે. આ એક યાદગાર ક્ષણ છે. મુલાકાતી નમ્રતા જીગર પટેલે જણાવ્યું હતું કે, “હું અમદાવાદમાં ફ્લાવર ડિસ્પ્લે જોવા માટે આવી છું. અહીં આવીને હું ખૂબ જ ખુશ છું. અહીં ઘણા સુંદર ફૂલો છે. બાળકો પણ અહીં પ્રકૃતિ સુંદરતાને ખૂબ માણી રહ્યાં છે. અહીં જે હેરિટેજ સર્જાયો છે તે ખરેખર છે. સુંદર.” .દરેક વ્યક્તિએ એકવાર આવવું જોઈએ.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube