કોરોનાએ ફરી એકવાર ઉચક્યું માથું! ચીનમાં પાંચ કરોડ લોકો ઘરમાં કેદ થયા મોટા શહેરોમાં લાગ્યા સંપૂર્ણ લોકડાઉન

ચીનમાં કોરોના વાયરસઃ ચીન (China) માં, જ્યાંથી કોરોના (Corona) વાયરસનો ઉદભવ થયો હોવાનું કહેવાય છે, હવે ફરીથી ચેપને કારણે સ્થિતિ વધુ ખરાબ થઈ રહી છે. ચીનમાં કોરોનાના તમામ રેકોર્ડ તૂટવા લાગ્યા છે. ચીનની આ સ્થિતિને ધ્યાનમાં રાખતા, હાલ ચીને કડક લોકડાઉન (Lockdown) લાગુ કર્યું છે અને દરેક વ્યક્તિની કોરોનાની તપાસ કરવામાં આવી રહી છે. એક રીપોર્ટ અનુસાર, ચીનમાં છેલ્લા 24 કલાકમાં કોરોનાના 5 હજારથી વધુ નવા કેસ નોંધાયા છે.

5,280 કેસ, 5 કરોડ વસ્તી ઘરમાં કેદ:
મળેલી માહિતી મુજબ, ચીનમાં છેલ્લા 24 કલાકમાં કોરોનાના 5,280 નવા કેસ નોંધાયા છે. આના એક દિવસ પહેલા, ત્યાં 1,337 કેસ નોંધાયા હતા. કોરોનાની આ લહેરમાં ચીનનો જિલિન પ્રાંત સૌથી વધુ પ્રભાવિત થયો છે. કોરોનાના વધતા જતા કેસોને ધ્યાનમાં રાખી ચીનના ઘણા પ્રાંતોમાં લોકડાઉન લાગુ કરવામાં આવ્યું છે. 5 કરોડથી વધુ લોકો તેમના ઘરોમાં કેદ છે. ચીનમાં અત્યાર સુધી કોરોનાની ઘણી લહેરો આવી ગઈ છે, પરંતુ ફેબ્રુઆરી 2020 પછી ક્યારેય આટલા કેસ સામે આવ્યા નથી. જો કે, આ નવી લહેરમાં હજુ સુધી કોઈના મોતના સમાચાર નથી.

રોડસાઇડ પરીક્ષણ:
ચીનના બેઈજિંગ, શાંઘાઈ, જિલિન, શેનઝેન જેવા અનેક પ્રાંતોમાં કડક લોકડાઉન લાગુ કરવામાં આવ્યું છે. બસ અને મેટ્રો સેવાઓ પણ બંધ કરી દેવામાં આવી છે. મેડિકલ ટીમ કોરોનાના કેસને પકડવા માટે એન્ટિજેન ટેસ્ટ કરી રહી છે. આ ટેસ્ટિંગ રસ્તાના કિનારે પણ કરવામાં આવી રહ્યું છે. અહીં બેનરો લગાવવામાં આવ્યા છે, જેમાં લખવામાં આવ્યું છે કે, તમામ લોકોનો કોવિડ ટેસ્ટ કરાવવો જરૂરી છે, એક પણ ઘર કે એક પણ વ્યક્તિ બાકી રહેવો ન જોઈએ.

વાઈરોલોજિસ્ટ ચેતવણી આપે છે, જૂઠું બોલવાનો સમય નથી:
ચીન માટે આ સમય ખૂબ જ મુશ્કેલ છે. વાઈરોલોજિસ્ટ ચેતવણી આપે છે, આ જૂઠું બોલવાનો સમય નથી, કારણ કે બે વર્ષ પહેલા આવો જ રોગચાળો ફેલાયો હતો. શૂન્ય-કોવિડ નીતિ પર ચર્ચા કરવાને બદલે, આવી ટકાઉ વ્યૂહરચના અમલમાં મૂકવાની જરૂર છે, જે રોગચાળાને નિયંત્રણમાં લાવે.