CSR ક્ષેત્રે ઉત્તમ કામગીરી બદલ આર્સેલરમિત્તલ નિપ્પોન સ્ટીલ ઈન્ડિયાને એનાયત કરાયો પ્રતિષ્ઠિત ‘મહાત્મા એવોર્ડ 2023’

AM/NS India awarded ‘Mahatma Award 2023’: આર્સેલરમિત્તલ એન્ડ નિપ્પોન સ્ટીલ નામની વિશ્વની બે અગ્રણી સ્ટીલ ઉત્પાદક કંપનીઓના સંયુક્ત સાહસ આર્સેલરમિત્તલ નિપ્પોન સ્ટીલ ઇન્ડિયા (AM/NS ઇન્ડિયા)નું સીએસઆર ક્ષેત્રે ઉત્તમ કામગીરી બદલ રાષ્ટ્રપિતા મહાત્મા ગાંધીની જન્મ જયંતિ પ્રસંગે પ્રતિષ્ઠિત મહાત્મા એવોર્ડ 2023(AM/NS India awarded ‘Mahatma Award 2023’)થી બહુમાન કરાયું છે.

નવી દિલ્હી ખાતે તા.30 સપ્ટેમ્બર ના રોજ યોજાયેલ એક સમારંભમાં એએમ/એનએસ ઇન્ડિયાના સીએસઆર હેડ – ડો. વિકાસ યાદવેન્દુએ આ એવોર્ડ પ્રતિષ્ઠિત મહાનુભવો અને મહેમાનોની હાજરીમાં મહાત્મા ગાંધીએ સ્થાપેલ ગુજરાત વિદ્યાપીઠના ભૂતપૂર્વ ટ્રસ્ટી ઉત્તમ પરમારના પાસેથી સ્વીકાર્યો હતો.

ભારતના સીએસઆર બીલ માટે મહત્વની કામગીરી બજાવનાર સોશિયલ આંત્રપ્રિનિયોનર અને ફિલાન્થ્રોપિસ્ટ અમીત સચદેવા દ્વારા સ્થાપિત આ એવોર્ડ સમાજમાં હકારાત્મક અને સીએસઆર પરિવર્તનના સંવર્ધન માટે કોર્પોરેટ્સ અને વ્યક્તિગત કામગીરી બદલ આપવામાં આવે છે.

એએમ/એનએસ ઈન્ડિયાને જે પરિવર્તનલક્ષી પ્રયાસો બદલ એવોર્ડ પ્રાપ્ત થયો છે તેમાં નીચેની બાબતોનો સમાવેશ થાય છેઃ
1. કોવિડ-19 મહામારી દરમ્યાન રાહતના પ્રયાસોઃ મહામારી દરમ્યાન પરિવર્તનલક્ષી પ્રયાસ બદલ
2. ડિજિટલ પાઠશાળા: ડિજિટલ શિક્ષણ મારફતે વિદ્યાર્થીઓના સશક્તિકરણ માટે
3. પ્રોજેક્ટ દક્ષ: રોજાગર પાત્રતામાં વધારો કરવા બદલ અને જોબ પ્લેસમેન્ટ પૂરા પાડવા માટે