BIG NEWS / લગ્ન પ્રસંગમા જઈ રહેલા જાનૈયાઓને નડ્યો ગંભીર અકસ્માત- 40 લોકોથી ભરેલી બસ કેનાલમાં ખાબકતા 7નાં મોત

Andhra pradesh road accident: આંધ્રપ્રદેશમાં મંગળવારે એક ભયાનક માર્ગ અકસ્માત સર્જાયો હતો. પ્રકાશમ જિલ્લામાં લગ્નની જાનની બસ સાગર કેનાલમાં પડી હતી. મળેલી માહિતી અનુસાર આ ઘટનામાં સાત લોકોના મોત થયા હતા અને 35 લોકો ઘાયલ થયા હતા. ઘટના બાદ ઘટના સ્થળે અરેરાટી ફેલાઈ ગઈ હતી. આ દરમિયાન ચીસોના કારણે ખુશી માતમમાં ફેરવાઈ ગઈ હતી.

જણાવવામાં આવી રહ્યું છે કે, અકસ્માત સમયે બસ પોડિલીથી કાકીનાડા જઈ રહી હતી. અકસ્માત સમયે બસમાં લગભગ 35 થી 40 લોકો સવાર હોવાનું કહેવાય છે. અકસ્માતની જાણ થતાં જ પોલીસ ઘટનાસ્થળે પહોંચી ગઈ હતી અને બચાવ કામગીરી શરૂ કરી હતી. ઘાયલોને સારવાર માટે નજીકની હોસ્પિટલમાં દાખલ કરવામાં આવ્યા છે.

#WATCH | Andhra Pradesh: Seven dead, several injured after a bus plunged into Sagar canal in Prakasam district. Rescue operation underway. pic.twitter.com/64Ptd1aomc

— ANI (@ANI) July 11, 2023

મળેલી માહિતી અનુસાર લગ્નના રિસેપ્શન માટે કાકીનાડા જવા માટે આરટીસી બસ ભાડે કરી હતી. એવું માનવામાં આવે છે કે ડ્રાઈવર ઊંઘી ગયો હતો અને બેકાબૂ બસ કેનાલમાં પડી હતી. આ અકસ્માતમાં સાત લોકોના મોત થયા હતા. જોકે અકસ્માતનું ચોક્કસ કારણ જાણી શકાયું નથી. હાલ પોલીસ આ મામલે તપાસ કરી રહી છે. આ ઘટના સંબંધિત વિગતવાર અહેવાલની રાહ જોવાઈ રહી છે.