November 18, 2024
Organ Donation in Surat: ડાયમંડ સિટી સુરત ઓર્ગન ડોનર શહેર તરીકે ખ્યાતી પામી રહ્યું છે. સુરત શહેરે ડોનેટ લાઈફના માધ્યમથી 500 કિડનીનું દાન કરાવી અંગદાનના ક્ષેત્રમાં નવો માઈલસ્ટોન બનાવ્યો છે.ત્યારે અકસ્માતમાં મૃત્યુ પામેલા કામરેજના સફાઈ કર્મીના પરિવારે મૃતકના લીવર અને કિડનીનું અંગદાન(Organ Donation in Surat) કરી માનવતા મહેકાવી છે.ડોનેટ લાઈફ દ્વારા વધુ એક અંગદાન સુરતની સ્મીમેર હોસ્પિટલથી કરાવવામાં આવ્યું છે.
બે કિડની અને લીવરનું દાન કર્યું
મૂળ પંચમહાલના વતની અને હાલ કામરેજના વાવ નજીક રહેતા 49 વર્ષીય બુધાભાઈ પારસિંગભાઈ નાયકા સફાઈ કામગીરી કરતા હતા.રવિવારના સાંજના વાવ નજીક અજાણ્યા વાહને અડફેટે લેતા માથાના ભાગે ગંભીર રીતે ઇજાગ્રસ્ત બુધાભાઇને સુરતની સ્મીમેર હોસ્પીટલ ખાતે સારવાર અર્થે લઈ જવામાં આવ્યા હતા.જ્યાં ડોકટર દ્વારા તેમને બ્રેન ડેડ જાહેર કરાયા હતા.
ડોનેટ લાઇફ સંસ્થા દ્વારા બુધાભાઈ ના પરિવારનો સંપર્ક કરી અંગદાનનું મહત્વ સમજાવતા પરિવારે સહમતી દાખવી હતી.પરિવારે બુધાભાઈની બે કિડની અને લીવરનું દાન કર્યું હતું.અંગદાન થકી મળેલી બે કિડની અને લીવરનું દાન અમદાવાદની IKDRC હોસ્પીટલના જરૂરિયાત મંદ દર્દીને કરવામાં આવ્યું હતું.
Trending News
માથામાં ઈજાઓ થતા તેઓ બેભાન થઈ ગયા
મૂળ પંચમહાલના વતની અને સુરતના કામરેજ ખાતે રહેતા અને સફાઈ કામદાર તરીકે કાર્ય કરતા બુધાભાઈ તા. 28 એપ્રિલના રોજ સાંજે કરીયાણું લેવા જતા હતા. ત્યારે વાવ ગામ પાસે અજાણ્યા વાહન ચાલકે ટક્કર મારતા તેઓ નીચે પડી ગયા હતા અને માથામાં ઈજાઓ થતા તેઓ બેભાન થઈ ગયા હતા.
108 એમ્બ્યુલન્સ મારફત તેમને સુરતની સ્મીમેર હોસ્પિટલમાં સર્જરી વિભાગ યુનિટ 4ના પ્રો. ડૉ. દિનેશ પ્રસાદ અને આસિસ્ટન્ટ પ્રોફેસર ડો. જીગ્નલ સોનાવલેની સારવાર હેઠળ દાખલ કર્યા હતા. નિદાન માટે CT સ્કેન કરાવતા બ્રેઈન હેમરેજ અને મગજમાં લોહીનો ગઠ્ઠો જામી ગયો હોવાનું નિદાન થયું હતું.
પત્ની સફાઈ કામદાર તરીકેનું કાર્ય કરે છે
બુધાભાઈના ભાઈ કાળુંભાઈએ જણાવ્યું કે, અમે ગરીબ પરિવારના છીએ, રોડ સફાઈનું કાર્ય કરીને અમારા પરિવારનું જીવન પોષણ કરીએ છીએ. જીવનમાં અમે કોઈ ચીજ-વસ્તુઓનું દાન કરી શકવાના નથી. આજે મારા ભાઈ બ્રેઈનડેડ છે અને તેનું મૃત્યુ નિશ્વિત જ છે, શરીર તો રાખ જ થઈ જવાનું છે. ત્યારે મારા ભાઈના જેટલા પણ અંગોનું દાન થઈ શકતું હોય તે કરાવીને ઓર્ગન નિષ્ફળતાના દર્દીઓને નવજીવન આપવા માટે આપ આગળ વધો. બુધાભાઈના પરિવારમાં પત્ની ગંગાબેન (ઉં.વ. 46), સફાઈ કામદાર તરીકેનું કાર્ય કરે છે. બે પુત્રો સંજય (ઉં.વ 22) અને કનુ (ઉં.વ.19) ખેતમજૂર છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App