May 17, 2024
સુરત(ગુજરાત): હાલ સુરત(Surat)માં પ્રેમ લગ્નના 7 વર્ષ બાદ છૂટા પડી ગયેલા પત્નીની બાળકો સામે હત્યા કરવા બદલ પતિની ધરપકડ કરવામાં આવી છે. સુરતના કતારગામ(Katargam) વિસ્તારમાં છૂટાછેડા અને પુત્રને પોતાની સાથે રાખવાના વિવાદમાં ટ્રાન્સફર વોરંટ(Transfer warrant)ના આધારે પત્નીની ત્રણ વખત ગોળી મારીને હત્યા કરનાર શખ્સની કતારગામ પોલીસ(Police) દ્વારા ધરપકડ કરવામાં આવી છે. શૂટરના પતિની બિહાર(Bihar)માં પોલીસ દ્વારા દારૂના આરોપમાં ધરપકડ કરવામાં આવી હતી.
પોલીસ સૂત્રો પાસેથી પ્રાપ્ત માહિતી મુજબ, સુરતના કતારગામ વિસ્તારમાં 23 ફેબ્રુઆરીની મોડીરાત્રે અલગ રહેતી પત્ની ટીના પર પતિ અખીલેશકુમાર મૌલેશ્વરપ્રસાદ સીંગએ બાળકોની સામે જ ત્રણ ગોળી મારતા ટીનાને છાતી, પેટ, કોણી અને ઘૂંટણમાં ઇજા થઈ હતી.
16 વર્ષ પહેલા પ્રેમલગ્ન બાદ સાત વર્ષથી પતિથી અલગ રહેતી ટીનાને સારવાર માટે નવી સિવિલ હોસ્પિટલમાં દાખલ કરવામાં આવી હતી. છૂટાછેડા અને પુત્રને સાથે રાખવા બાબતે ટીના સાથે અવારનવાર ફોન પર ઝઘડો કરી જાનથી મારી નાખવાની ધમકી આપતો અખીલેશ ફાયરીંગ કરી ફરાર થઈ જતા કતારગામ પોલીસ દ્વારા હત્યાનો પ્રયાસનો ગુનો નોંધી તપાસ હાથ ધરવામાં આવી હતી.
Trending News
મળતી માહિતી મુજબ, ટીના, જેને ગંભીર હાલતમાં નવી સિવિલ હોસ્પિટલમાં દાખલ કરવામાં આવી હતી, તે ઘટનાના ત્રણ અઠવાડિયા પછી 17 માર્ચે મૃત્યુ પામી હતી. અખીલેશની ધરપકડ માટે તજવીજ કરી રહેલી કતારગામ પોલીસ તેના મોતના અઠવાડીયા પહેલા તેને શોધવા બિહાર ગઈ હતી. આ દરમિયાન, સ્થાનિક પોલીસ દ્વારા તેની દારૂના ગુનામાં ધરપકડ કરવામાં આવી હતી.
ટીનાના મૃત્યુ બાદ કતારગામ પોલીસ દ્વારા અખિલેશ કુમાર મોલેશ્વરી સિંહની ધરપકડ કરવામાં આવી હતી. જેઓ હાલમાં વેલ્ડીંગના વ્યવસાય સાથે સંકળાયેલા છે અને તેમની સામે હત્યાની કલમનો ઉમેરો કરીને અને ટ્રાન્સફર વોરંટના આધારે કબજો મેળવવાની માંગ કરવામાં આવી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
