હજુ તો IPL શરુ થઇ નથી ત્યાં આવ્યા મોટા ખરાબ સમાચાર- વાંચી ક્રિકેટ પ્રેમીઓને લાગશે મોટો ઝટકો

IPL 2022 હવે થોડા જ દિવસો બાદ શરૂ થવા જઈ રહી છે. 26 માર્ચે, પ્રથમ મેચ કોલકાતા અને ચેન્નાઈ(Kolkata vs Chennai) વચ્ચે રમાશે, પરંતુ આ ક્રિકેટ ચાહકો માટે ખૂબ જ ખરાબ સમાચાર(bad news) સામે આવી રહ્યા છે, કારણ કે હવે IPL 2022 બંધ દરવાજા વચ્ચે યોજવામાં આવી શકે છે.

ચાહકોને પડ્યો મોટો ફટકો:
IPL 2022 માટે ચાહકોને મોટો ઝટકો લાગી શકે છે. હવે IPL 2022 દર્શકો વગર થઈ શકશે. અગાઉ, મહારાષ્ટ્ર સરકારે ટૂર્નામેન્ટમાં 25 ટકા દર્શકોને મંજૂરી આપી હતી, પરંતુ હવે આ આદેશ પાછો ખેંચી શકાય છે. કેન્દ્ર સરકારે મહારાષ્ટ્ર સરકારને રાજ્યમાં કોવિડ-19ના નવા ખતરા અંગે ચેતવણી આપી છે, જેની અસર IPL પર પડી છે. IPL 2022 ની મોટાભાગની મેચો મુંબઈના મેદાન પર રમવાની છે.

કેન્દ્રએ રાજ્યોને એલર્ટ જાહેર કર્યું છે:
મહારાષ્ટ્ર સરકારના આરોગ્ય પ્રધાન રાજેશ ટોપેએ જણાવ્યું છે કે યુરોપિયન દેશો, દક્ષિણ કોરિયા અને ચીનમાં કોવિડ-19ના કેસ વધ્યા હોવાથી અમને ચેતવણી આપવા માટે કેન્દ્ર સરકાર તરફથી પત્ર મળ્યો છે. આ અંતર્ગત અમારા આરોગ્ય વિભાગે પત્ર જારી કરીને સતર્ક રહેવા અને જરૂરી પગલાં લેવા જણાવ્યું હતું. અમે અત્યારે IPL મેચ પર કાઈ કહેવા માંગતા નથી.

સૌથી વધુ મેચ મુંબઈમાં યોજાશે:
કોરોના મહામારીને કારણે મોટાભાગની મેચો મહારાષ્ટ્રમાં યોજાશે. લીગ રાઉન્ડમાં કુલ 70 મેચો રમાવાની છે. મુંબઈના ત્રણ સ્થળો વાનખેડે સ્ટેડિયમ, ડીવાય પાટિલ અને બ્રેબોર્નમાં કુલ 55 મેચો રમાશે. આ સિવાય પુણેમાં 15 મેચ રમાશે. તમામ 10 ટીમો વાનખેડે અને ડીવાય પાટિલમાં 4-4 મેચ રમશે. આ સિવાય તેણે પુણે અને બ્રેબોર્નમાં 3-3 મેચ રમવાની છે. વર્તમાન સિઝનથી ટી20 લીગમાં મેચોની સંખ્યા 60થી વધીને 74 થઈ ગઈ છે.