November 24, 2024
Bageshwar Baba Patna Katha Impacts: બિહાર (Bihar) ની રાજધાની પટના (Patna)ને અડીને આવેલા નૌબતપુર (Naubatpur)ના બાગેશ્વર ધામ (Bageshwar Dham)ના પંડિત ધીરેન્દ્ર કૃષ્ણ શાસ્ત્રી (Dhirendra Krishna Shastri)એ થોડા દિવસ પહેલા એક પ્રવચન કર્યું હતું. બાગેશ્વર ધામના પંડિત ધીરેન્દ્ર કૃષ્ણ શાસ્ત્રીએ હિન્દુ રાષ્ટ્ર બનાવવાની જાહેરાત કરી હતી. હવે મુઝફ્ફરપુરની નૌશીન પરવીન તેમના ઉપદેશથી પ્રભાવિત થઈ હતી અને પોતાનો ધર્મ બદલીને એક હિન્દુ છોકરા સાથે લગ્ન ક્યાં હતા. આ સમગ્ર ઘટના બિહારના હાજીપુરનો છે.
મુસ્લિમ યુવતી અને સનાતન સંપ્રદાયનો યુવક જીવનભરના સાથી બન્યા છે. મુસ્લિમ સમુદાયમાંથી આવતા, રૂખસાનાએ સનાતન ધર્મ સ્વીકાર્યો અને તેના હિન્દુ મિત્ર રોશન સાથે લગ્ન કર્યા. આ લગ્નમાં બાગેશ્વર ધામના પીઠાધીશ્વર પંડિત ધીરેન્દ્ર શાસ્ત્રીનો પ્રભાવ સ્પષ્ટ જોવા મળ્યો હતો.
Trending News
વૈશાલીના લાલગંજ સ્થિત અર્ધનારીશ્વર મંદિરમાં મોટી સંખ્યામાં સેંકડો લોકો લગ્નના સાક્ષી બન્યા હતા. વરરાજા રોશન કુમારના પરિવારજનો સહિત સમગ્ર વિસ્તારના લોકો આ લગ્નથી ખૂબ જ ખુશ છે. ઉપસ્થિત લોકોએ તાળીઓના ગડગડાટથી બંનેની ભાવનાઓને આવકારી હતી.
બિહારના વૈશાલીમાં તેના મુકામ સુધી પહોંચેલી આ લવ સ્ટોરી 4 વર્ષ પહેલા ગુલાબી શહેર જયપુરમાં શરૂ થઈ હતી. મુઝફ્ફરપુરના એક ગામની રહેવાસી રુખસાના અંસારી જયપુરની કોલેજમાં વૈશાલી લાલગંજમાં રહેતા રોશન કુંવરને મળી હતી. મુલાકાત પરિચયમાં પરિણમી અને પરિચય ધીમે ધીમે પ્રેમમાં ફેરવાઈ ગયો. મોબાઈલ એ બંને વચ્ચે સેતુનું કામ કર્યું. ખબર નહીં ક્યારે બંને એકબીજાની એટલી નજીક આવી ગયા કે જીવનભર સાથે રહેવાના સોગંદ લીધા.
રૂખસાના અને રોશનના લગ્ન વચ્ચે ધર્મની દિવાલ ઉભી હતી, પરંતુ રુખસાનાએ સાથે રહેવાનો મોટો નિર્ણય લઇ લીધો હતો. બાગેશ્વર ધામના પીઠાધીશ ધીરેન્દ્ર શાસ્ત્રીના પટના કાર્યક્રમથી તે પ્રભાવિત થઈ હતી. તેણે પોતે જ પોતાનો ધર્મ બદલવાનો નિર્ણય કર્યો. નદીઓના પવિત્ર પાણી સાથે હિંદુ ધાર્મિક વિધિઓ હેઠળ રૂખસાનાનું હિન્દુ ધર્મમાં રૂપાંતર કરવામાં આવ્યું હતું અને તેનું નામ રૂકમણી રાખવામાં આવ્યું હતું.
તેમના લગ્ન કરાવનાર પંડિત કમલકાંત પાંડેએ લાલગંજના રેપુરા ગામમાં આવેલા અર્ધનારીશ્વર મહાદેવ મંદિરમાં હિંદુ રીતિ-રિવાજ મુજબ તેમના લગ્ન કરાવ્યા હતા. આ અનોખા લગ્નને જોવા માટે અનેક ગામડાઓમાંથી લોકો ઉમટી પડ્યા હતા. બધાએ મળીને વર-કન્યાને આશીર્વાદ આપ્યા હતા.
આ પ્રસંગે રૂખસાનાએ આગળ આવીને મીડિયાના સવાલોના જવાબ આપ્યા હતા. તેમણે કહ્યું કે પટનામાં જ્યારે ધીરેન્દ્ર શાસ્ત્રીનું પ્રવચન થયું ત્યારે તેમને પ્રેરણા મળી હતી. પ્રેમ ખાતર તેણીએ હિન્દુ બનવાનું સ્વીકાર્યું અને રૂકમણી બની. તેણે જણાવ્યું કે તે લગ્નથી ખૂબ જ ખુશ છે તો બીજી તરફ રોશનના માતા-પિતાએ પણ કહ્યું કે તેઓ તેમના પુત્ર અને પુત્રવધૂના નિર્ણયથી ખૂબ જ ખુશ છે. આ લગ્ન યુવાનો માટે એક ઉદાહરણ બનશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.