November 17, 2024
Bajaj auto plans: દેશની અગ્રણી ટુ-વ્હીલર ઉત્પાદક બજાજ ઓટો સ્થાનિક બજારમાં તેના વાહન પોર્ટફોલિયોમાં મોટું વિસ્તરણ કરવાની તૈયારી કરી રહી છે. કંપનીના મેનેજિંગ ડિરેક્ટર રાજીવ બજાજે ભવિષ્યમાં કંપનીના વાહનોના સંદર્ભમાં મીડિયા સાથે વાત કરતાં, 100 સીસી સેગમેન્ટમાં નવી બજાજ પલ્સર(Bajaj auto plans) રેન્જ તેમજ CNG બાઇકનો પણ સંકેત આપ્યો. રાજીવ બજાજે કેન્દ્રીય નાણા મંત્રી નિર્મલા સીતારમણને CNG વાહનો પર ગુડ્સ એન્ડ સર્વિસ ટેક્સ (GST) ઘટાડીને 18% કરવા વિનંતી કરી છે.
CNBC ના અહેવાલ મુજબ, બજાજ ઓટો આ નાણાકીય વર્ષમાં તેની પલ્સર રેન્જને અપગ્રેડ કરવાની સાથે અત્યાર સુધીની સૌથી મોટી પલ્સર બાઇક પણ લોન્ચ કરશે. બજાજ ઓટો સેગમેન્ટમાં નંબર વન બનવાનું લક્ષ્ય ધરાવે છે, અને તેને ધ્યાનમાં રાખીને, કંપની પલ્સર રેન્જમાં નવા મોડલ સાથે 6 અપગ્રેડ આપવાનું આયોજન કરી રહી છે.
કેવી હશે સૌથી મોટી પલ્સર?
જ્યારથી બજાજ પલ્સરે સ્થાનિક બજારમાં પ્રવેશ કર્યો છે, ત્યારથી આ બાઇક યુવાનોમાં ખૂબ જ લોકપ્રિય છે. કંપની હજુ પણ તેના શરૂઆતના દિવસોમાં આ બાઇક દ્વારા બનાવેલી લોકપ્રિયતાનો લાભ ઉઠાવી રહી છે. હવે નવી બજાજ પલ્સરને હેવી એન્જિન સાથે રજૂ કરવાની તૈયારી ચાલી રહી છે. આ અંગે રાજીવ બજાજ કહે છે, “અમને લાગે છે કે અમારી પાસે વધુ સારી પ્રોડક્ટ છે, અને તેને આ નાણાકીય વર્ષમાં રજૂ કરવામાં આવશે.”
Trending News
જો કે, હજુ સુધી સૌથી મોટા પલ્સર વિશે કોઈ તકનીકી માહિતી શેર કરવામાં આવી નથી. પરંતુ જો આપણે પલ્સર રેન્જ પર નજર કરીએ તો કંપનીના પોર્ટફોલિયોમાં 250cc સુધીની પલ્સર ઉપલબ્ધ છે. આવી સ્થિતિમાં, આશા છે કે કંપની 400 સીસી બજાજ પલ્સર રજૂ કરી શકે છે. ધ્યાનમાં રાખો, બજાજ ડોમિનાર પહેલેથી જ 400 સીસી સેગમેન્ટમાં ઉપલબ્ધ છે. તેથી જો કંપની પલ્સર 400નું પ્લાનિંગ કરે છે તો ડોમિનારનું જ એન્જિન વાપરી શકાય છે.
Bajaj CNG Bike:
આ પહેલીવાર નથી જ્યારે બજાજ ઓટોની સીએનજી બાઇક વિશે વાત કરવામાં આવી રહી છે. લગભગ 17 વર્ષ પહેલા એટલે કે એપ્રિલ 2006માં રાજીવ બજાજે સંકેત આપ્યો હતો કે કંપની નવી પ્રોડક્ટ પર કામ કરી રહી છે. પેટ્રોલ ઉપરાંત તે CNG પર પણ ચાલશે. એવું કહેવામાં આવ્યું હતું કે આ બાઇકમાં ડ્યુઅલ-ફ્યુઅલ ટેક્નોલોજીનો ઉપયોગ કરવામાં આવશે. જોકે, અત્યાર સુધી આ પ્રોડક્ટ માર્કેટથી દૂર રહી છે. હવે જ્યારે CNG વાહનો પર GST ઘટાડવાની માંગ ઉઠી છે ત્યારે ફરી એકવાર ચર્ચાએ જોર પકડ્યું છે કે શું બજાજ ઓટો CNG બાઇકની તૈયારી કરી રહી છે.
Bajaj Chetak:
બજાજ ઓટો તેના એકમાત્ર ઇલેક્ટ્રિક મોડલ ‘ચેતક’નું વિસ્તરણ કરવાની પણ યોજના બનાવી રહી છે. રાજીવ બજાજ કહે છે કે કંપની નજીકના ભવિષ્યમાં ચેતક બ્રાન્ડ હેઠળ કેટલાક અન્ય ઇલેક્ટ્રિક મોડલ રજૂ કરશે. આ નવા મોડલ આગામી તહેવારોની સીઝન પછી રજૂ કરવામાં આવી શકે છે. કંપની આ તહેવારોની સિઝન સુધીમાં 10,000 ચેતક મોડલનું ઉત્પાદન કરવાનું લક્ષ્ય ધરાવે છે. ઓગસ્ટ મહિનામાં કંપનીએ 8,000 યુનિટ્સનું ઉત્પાદન કર્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube