સુરતમાં ઠગબાજ યુવક એવી રીતે છેતરપિંડી કરતો કે.., કીમિયો જાણી પોલીસ પણ માથું ખંજવાળવા લાગી  

Mobile scam in Surat: ઓનલાઇન ચીજ વસ્તુઓ મંગાવી જેટલી સરળ છે એટલું જ નુકસાનકારક છે. ત્યારે સુરતમાંથી વધુ એક ઓનલાઇન છેતરપિંડીનો કિસ્સો સામે આવ્યો છે. ઓનલાઈન મોબાઈલનાં બદલે પરફ્યુમ મોકલી છેતરપિંડી(Mobile scam in Surat) આચરવામાં આવી છે. ત્યારે આ મામલે સુરત ક્રાઈમ બ્રાંચને મોટી સફળતા મળી છે. સુરત પોલીસ ઠગ કરનાર આરોપીને ઝડપી પાડી આગળની કાર્યવાહી હાથ ધરી છે.

મળતી માહિતી અનુસાર, સુરતમાં ઓનલાઈન મોબાઈલ ખરીદીના બદલે છેંતરપીંડી કરનાર ઠગ પોલીસનાં હાથે ઝડપાયો છે. આ ઠગ મોબાઈલનાં બદલે પરફ્યુમ મોકલી લોકો સાથે છેંતરપીંડી કરતો હોવાનું પોલીસ તપાસમાં સામે આવ્યું છે. આ ઠગ લોકોને સોશિયલ મીડિયા મારફતે સસ્તામાં મોબાઈલ આપવાની લાલચ આપી છેંતરપીંડી આચરતો હોવાનું જાણવા મળ્યું છે.

સસ્તા મોબાઈલની લાલચ આપી છેંતરપીંડી 
લોકોને સસ્તા મોબાઈલ ફોનની લોભામણી લાલચ આપી ઠગ લોકો સાથે છેતરપિંડી કરતો હતો. ત્યારે આ સમગ્ર બાબતે પોલીસનાં ધ્યાને આવતા ક્રાઈમ બ્રાન્ચ દ્વારા આ સમગ્ર મામલે તપાસ હાથ ધરી હતી. ક્રાઈમ બ્રાન્ચે તપાસ કરતા રાંદેરમાંથી અફઝલ ખાંડા નાનાં શખ્સની અટકાયત કરી હતી. તેમજ વધુ તપાસમાં પોલીસે કોમ્પ્યુટર અને પરફ્યુમ ભરેલા 70 થી વધુ કાર્ટૂન મળી આવતા પોલીસે તમામ મુદ્દામાલ જપ્ત કર્યો હતો.