‘દારૂ પીને ગુરુદ્વારા, વિધાનસભા જાય છે… પત્નીને માર મારે છે…’: CM ની દીકરીએ ખુદ કર્યો મોટો ખુલાસો

CM Bhagwant Mann: પંજાબના મુખ્યમંત્રી ભગવંત માનની પુત્રીએ તેમના પર સનસનાટીભર્યા આરોપો લગાવ્યા છે. તેની પુત્રીનું નામ સીરત કૌર છે, જેણે તેના પિતા પર આરોપ લગાવ્યો છે અને કહ્યું છે કે સીએમ સાહેબે (CM Bhagwant Mann) તેની માતા અને તેની પૂર્વ પત્નીને ભાવનાત્મક અને શારીરિક ત્રાસ આપ્યો છે. સીરત કૌરે કહ્યું કે હું તેમને શ્રીમાન અથવા સીએમ સાહબ કહીને સંબોધીશ. તેણે મને પપ્પા કહેવાનો અધિકાર ઘણા સમય પહેલા જ ગુમાવી દીધો છે.

એમને પપ્પા સાંભળવાનો અધિકાર ઘણા સમય પહેલા જ ગુમાવી દીધો
તમને જણાવી દઈએ કે સીરત કૌરે એક વીડિયો બનાવ્યો છે જેમાં તે તેના પિતા ભગવંત માન પર આરોપ લગાવી રહી છે. આ વીડિયો હાલ સોશિયલ મીડિયા પર વાયરલ થઈ રહ્યો છે. વીડિયોમાં સીરત કૌર કહે છે કે હું સ્પષ્ટ પણ કહી રહી છું કે આ વીડિયોમાં હું તેમને શ્રી માન અથવા સીએમ સાહેબ તરીકે સંબોધિત કરીશ. તેણે મને પપ્પા કહેવાનો અધિકાર ઘણા સમય પહેલા જ ગુમાવી દીધો છે. વીડિયો બનાવવા પાછળ કોઈ રાજકીય હેતુ નથી.

. @BhagwantMann की बेटी ने जो आरोप भगवंत मान पर लगाये है बेहद गंभीर हैं । चाहे वो भगवंत मान द्वारा अपने बेटे को CM हाउस में घुसने से रोकना हो या गुरुद्वारे और विधानसभा में शराब पीकर जाना हो चाहे वो शराब पीकर अपनी पत्नी के साथ घटिया हरकते करना हो । @ArvindKejriwal क्या इन आरोपों… pic.twitter.com/k9QbYZUKK1

— Tajinder Bagga (@TajinderBagga) December 9, 2023

બાળકો પ્રત્યેની જવાબદારીઓ નિભાવી નથી
સીરત કૌરે કહ્યું કે વીડિયો બનાવવા પાછળનો હેતુ એ છે કે હું ઇચ્છું છું કે ભગવંત માનને એ અહેસાસ થાય કે તેમના મૌનને કારણે જ તેઓ સીએમ પદ પર બેઠા છે. સિરતે આરોપ લગાવ્યો કે તેના પિતાએ તેણી અને તેના નાના ભાઈ પ્રત્યેની જવાબદારીઓ નિભાવી નથી. તેમણે કહ્યું કે તેમના ભાઈ ગયા વર્ષે બે વાર ભગવંત માનને મળવા ગયા હતા પરંતુ તેમને સીએમ હાઉસમાં પ્રવેશવા દેવામાં આવ્યો ન હતો. સીરત કૌરે આરોપ લગાવ્યો કે જે વ્યક્તિ પોતાના બાળકોની જવાબદારી નથી લઈ શકતો તે પંજાબના લોકોની જવાબદારી કેવી રીતે લઈ શકે? સીરતે કહ્યું કે સીએમ માન દારૂ પીને ગુરુદ્વારા અને વિધાનસભા જાય છે.