November 25, 2024
ભાવનગર શહેર ના બોરતળાવ પાસે બાળાને ગેલેરીમાં લઇ જઇ શારીરીક અડપલા કર્યાનો વીડિયો વાયરલ થયા બાદ બાળાના પિતાની ફરિયાદ કર્યાં બાદ આરોપીની ધરપકડ કરી પોસ્કો સહીતની કલમો હેઠળ ગુનો નોંધી કોર્ટમાં રજુ કરાતા અદાલતે તેને જેલ હવાલે કરવા હુકમ કરતા પોલીસે તેને જેલ હવાલે કર્યો હતો.
બનાવની વિગતો મુજબ શહેરના કુમુદવાડી વિસ્તારમાં હીરાનું કારખાનુ ચલાવતા અને વરતેજ ખાતે રહેતા સુરેશ શીવાભાઇ માધવાણી વિરૂદ્ધ તેના કારખાનામાં ગત તા.10/7 નાં રોજ પિતાની સાથે આવેલ બાળાને સુરેશ માધવાણી કારખાનાની બિલ્ડીંગની ગેલેરીમાં લઇ ગયો હતો અને ત્યાં તેણીના શરીર સાથે શારીરીક અડપલા કર્યા હતા. જે અંગેનો વીડિયો પણ વાયરલ થયો હતો. આ બનાવ અંગે ડી.ડીવીઝન પોલીસે પોસ્કો સહીતની કલમો હેઠળ ગુનો નોંધી આરોપી સુરેશની ધરપડક કરી અદાલતમા રજુ કરતા અદાલતે તેને જેલ હવાલે કરવા હુકમ કરતા પોલીસે તેને જેલ હવાલે કર્યો હતો. ઉપરોકત આરોપી સુરેશ ભાવનગર પશ્ચિમ વિસ્તારના ધારાસભ્ય અને પ્રદેશ ભાજપ પ્રમુખ જીતુ વાઘાણીના મામાનો દીકરો થતો હોવાનુ જાણવા મળેલ છે.
Trending News
જો કે બનાવ બાદ બાળાના પિતાની ફરિયાદ પોલીસ લેતી ન હોવાના આક્ષેપ સાથે કોળી સમાજના આગેવાન મુન્નાભાઈ ચોગઠ સહિતના આગેવાન અને સમાજના લોકો સાથેનું ટોળુ ડી.ડીવીઝન પોલીસ મથકે ઘસી ગયું હતું અને આરોપી સુરેશ શીવાભાઈ માધવાણી જીતુ વાઘાણીના સગા મામાનો દિકરો થતો હોવાનું જણાવાયું હતુ અને આરોપી સામે દુષ્કર્મની કલમો લગાડવા માંગ કરાઇ હતી.
આ અંગે ડી.ડીવીઝન પોલીસ સ્ટેશનના પી.આઇ. કે.એમ.રાવલે કહ્યું હતું કે શહેરના કુમુદવાડી વિસ્તારમાં આવેલ સીતારામ નામના ગાળામાં હીરાનું કારખાનુ ચલાવતા અને વરતેજ ખાતે રહેતા સુરેશ શીવાભાઇ માધવાણીએ બાળા સાથે શારીરીક અડપલા કર્યાની ફરિયાદ બાદ ધરપકડ કરી પોસ્કો સહીતની કલમો હેઠળ ગુનો દાખલ કર્યો છે અને આરોપીને કોર્ટમાં રજુ કરતા અદાલતના હુકમ બાદ તેને જેલ હવાલે કરાયો છે. આરોપી જીતુ વાઘાણીનો પિતરાઇ ભાઇ થતો હોવાનું લોકો કહે છે. અમારે આરોપીના સંબધ અંગે તપાસમા લાગતુ વળગતુ નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.