હોસ્પિટલમાં લઈ જતા સમયે કોરોના દર્દીનું અધવચ્ચે મૃત્યુ થતા, એમ્બ્યુલન્સે રસ્તામાં જ ફેકી દીધો મૃતદેહ

મધ્યપ્રદેશની રાજધાની ભોપાલમાં એક આશ્ચર્યજનક કિસ્સો સામે આવ્યો છે. અહીં, કોરોનાવાયરસથી જીવ ગુમાવનાર એક વ્યક્તિની લાશને હોસ્પિટલની બહાર રોડ ઉપર છોડીને ભાગી ગયા હોવાનો કિસ્સો પ્રકાશમાં આવ્યો છે. સોમવારે અહીંની એક હોસ્પિટલની બહાર એક દર્દીનું મોત નીપજ્યું હતું. મૃત્યુ પહેલાં, દર્દીને બીજી હોસ્પિટલમાં લઈ જે રહ્યા હતા. પરંતુ મોત બાદ એમ્બ્યુલન્સનો ચાલક લાશને જમીન પર મૂકીને ભાગી ગયો હતો.

તમને જણાવી દઈએ કે, 59 વર્ષીય વાજિદ અલીને કિડનીની તકલીફને કારણે ભોપાલની પીપુલ્સ હોસ્પિટલમાં દાખલ કરવામાં આવ્યો હતો. પરંતુ છેલ્લા કેટલાક દિવસોમાં તેને શ્વાસની તકલીફ થવા લાગી. ડોક્ટરને ડર હતો કે, તેને ન્યુમોનિયા છે. સોમવારે સાંજે તેમને કોરોનાવાયરસથી ચેપ લાગ્યો હતો. કોરોના ટેસ્ટ પોજીટીવ આવ્યા બાદ, તેમને કોવિડ -19 માટે સ્થાપિત વિવા હોસ્પિટલમાં ખસેડવામાં આવ્યા હતા. આરોપ છે કે, તેના મૃત્યુ પછી, એમ્બ્યુલન્સ ડ્રાઇવર તેને શિફ્ટ કરવા માટે બીજી હોસ્પિટલમાં લઈ જઈ રહ્યો હતો, રસ્તામાં જ મૃત્યુ થતા મૃતદેહને ત્યાંથી રસ્તાની બાજુમાં મૂકી ભાગી ગયો હતો.

In a shocking case a #COVIDー19 victim’s body was left on the pavement outside a #hospital in Bhopal He was diagnosed #coronavirus on Monday evening @ndtv @ndtvindia @drnarottammisra @drharshvardhan @OfficeOfKNath @INCMP #COVID19 #meditation pic.twitter.com/il7RuSNh0S

— Anurag Dwary (@Anurag_Dwary) July 7, 2020

તેમના પુત્ર આબીદ અલીએ એનડીટીવીને જણાવ્યું હતું કે, રવિવારે તેના પિતાનો ટેસ્ટ કરવામાં આવ્યો હતો, જે સોમવારે પોજીટીવ આવ્યો. જાન્યુઆરીથી તેની તબિયત ખરાબ હતી. તેમને 23 જૂને પીપલ્સ હોસ્પિટલમાં દાખલ કરવામાં આવ્યા હતા. જ્યારે તેઓને આ હોસ્પિટલમાંથી ખસેડવામાં આવ્યા ત્યારે તે હજુ જીવતા હતા. આબીદે કહ્યું, ‘એમ્બ્યુલન્સમાં શું થયું તેની મને ખબર નથી પણ જ્યારે જિલ્લા વહીવટી તંત્રે તેમને વિવા હોસ્પીટલમાં મોકલ્યા હતા. તે બંને હોસ્પિટલોનો દોષ છે, તેઓએ અમને કોઈ માહિતી આપી નહીં.