March 18, 2025
Rajkot Bhuva News: રાજકોટ શહેરમાં વધુ એક અંધશ્રદ્ધાનો કિસ્સો સામે આવ્યો છે. આ કિસ્સામાં પાખંડી ભૂવાએ ગરીબ પરિવારને પોતાની વાતોમાં (Rajkot Bhuva News) ફસાવીને 50 હજાર જેટલા રૂપિયા પડાવી લીધા છે. આ પરિવારે ભૂવાને વિધિ કરવા માટે રૂપિયા આપવા માટે તેમની રિક્ષા પણ વેચી દીધી હોવાનું જણાવ્યું છે. આ ભુવો વીડિયો મારફતે પણ વિધિ કરાવતો હતો. આ અંગેની જાણ થતાં વિજ્ઞાન જાથા અને મેટોડા પોલીસ દ્વારા રેડ પાડવામાં આવી છે. પોલીસે ભૂવાને રંગે હાથે ઝડપી પાડ્યો હતો. આ દરમિયાન મહિલાનો ગુસ્સો સાતમા આસમાને પહોંચતા ભૂવાને લાફો ઝીંકી દીધો હતો.
પરિવારની આપવીતી
જે પરિવાર સાથે આ ભૂવાએ છેતરપિંડી કરી તે પરિવારની મહિલાએ પોતાની આપવીતી મીડિયાને જણાવી હતી. જેમાં તેમણે કહ્યું છે કે, “અમારા ઘરમાં તકલીફ હોવાથી અમે મહેશ વાળા નામના ભૂવાનો સંપર્ક કર્યો હતો. એની ફી 5100 રૂપિયા છે. જે બાદ અમને અલગ અલગ તકલીફો જણાવીને 40થી 45 હજાર રૂપિયામાં ઉતારેલા છે. અમારી સાથે છેતરપિંડી કરી છે. અમે એક બે વાર તેને ગુગલ પે કર્યા છે અને કેટલીક વાર રોકડા રૂપિયા પણ આપ્યા છે.
રિક્ષા વેચીને રૂપિયા આપ્યા
આ સાથે તેમણે વધુમાં જણાવ્યુ છે કે, અમારી પાસે ભૂવાને આપવા માટે રૂપિયા ન હતા તો રિક્ષા વેચીને એને રૂપિયા આપ્યા છે. જેનાથી અમે વ્યાજના કર્જામાં છીએ. એ પહેલેથી જ કહેતો હતો કે તમારું સારું થઈ જશે પરંતુ કાંઈ સારું થતું નથી. જેથી અમે અમારા રૂપિયા પણ પાછા માંગ્યા હતા પરંતુ તેણે એ પણ નથી આપ્યા. અમે વ્યાજના ચક્કરમાં ફસાઈ ગયા છીએ.”
Trending News
રૂપિયા માંગ્યા તો ધમકી આપી
મહિલાના પતિએ મીડિયા સાથેની વાતચીતમાં જણાવ્યું હતું કે, “અમે રૂપિયા માંગીએ છીએ તો તે અને તેનો ભાઈ અમને રસ્તા પર આવીને ધમકી આપે છે અને કહે છે કે, ‘જે થાય તે કરી લો. જ્યાં ફરિયાદ નોંધાવી હોય ત્યાં નોંધાવી લો.”
ભૂવા પાસે જતા પહેલા વિચારજો
પરિવારે છેલ્લે અપીલ કરતા જણાવ્યું છે કે, “અમારી જાહેર જનતાને અપીલ છે કે, આવા ભૂવા પાસે જતા પહેલા સાત વાર વિચાર કરજો.”
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App