ત્રીજા વિશ્વ યુદ્ધને લઈને અમેરિકાએ આપી દીધું સૌથી મોટું નિવેદન

Russia-Ukraine Crisis: રશિયા અને યુક્રેન વચ્ચેનું યુદ્ધ ચોથા દિવસે પણ ચાલુ છે. મીડિયા રિપોર્ટ્સ અનુસાર, યુક્રેને કહ્યું કે રશિયન સેનાએ દેશના બીજા સૌથી મોટા શહેર ખાર્કિવ(Kharkiv)માં ગેસ પાઈપલાઈન બોમ્બથી ઉડાવી દીધો. અહીં અમેરિકા(America)ની એક પ્રાઇવેટ કંપનીએ સેટેલાઇટ ફોટો શેર કર્યા છે. સાથે જ એવો પણ દાવો કરવામાં આવ્યો છે કે રશિયાએ યુક્રેન પર મોટા પ્રમાણમાં કબજો જમાવી લીધો છે. રશિયાએ યુક્રેનના નોવાકાખોવકામાં નીપર નદી નજીકના હાઇડ્રોઇલેક્ટ્રિક પાવર પ્લાન્ટ(Hydroelectric power plant) નજીક તેના દળોને એકત્ર કર્યા છે.

ખાર્કિવ શહેર પર રશિયન સેનાનો મોટો હુમલો
મીડિયા રિપોર્ટ્સ અનુસાર, રશિયન સેનાએ ખાર્કિવ શહેર પર મોટો હુમલો કર્યો છે. અહીં ગેસ પાઈપલાઈન તોડી પાડવામાં આવી છે.રશિયન સંરક્ષણ મંત્રાલય તરફથી કહેવામાં આવ્યું છે કે સેનાને આદેશ આપવામાં આવ્યો છે. તેને તેના હુમલાને વધુ તીવ્ર બનાવવા અને હવે દરેક દિશામાંથી હુમલો કરવાનું કહેવામાં આવ્યું છે. રશિયાના સંરક્ષણ મંત્રાલયે દાવો કર્યો છે કે હવે યુક્રેન પર હુમલો કરવાનું કામ ચારેય દિશામાંથી કરવામાં આવશે. તેમના મતે યુક્રેને રશિયા દ્વારા મંત્રણાની ઓફરને ફગાવી દીધી છે. હવે રશિયા તરફથી મોટા પાયા પર કાર્યવાહી કરવામાં આવશે.

જો બિડેને આપ્યું મોટું નિવેદન:
યુક્રેનમાં ચાલી રહેલા યુદ્ધ વચ્ચે અમેરિકી રાષ્ટ્રપતિ જો બિડેને મોટું નિવેદન આપ્યું છે. મીડિયા રિપોર્ટ્સ અનુસાર, તેમણે કહ્યું છે કે યુક્રેનને લઈને રશિયા પર લગાવવામાં આવેલા પ્રતિબંધોનો એકમાત્ર વિકલ્પ ‘ત્રીજા વિશ્વ યુદ્ધ’ની શરૂઆત હશે. અહીં યુએનએ કહ્યું છે કે રશિયાના હુમલામાં યુક્રેનમાં અત્યાર સુધીમાં ઓછામાં ઓછા 64 લોકોના મોત થયા છે.

હુમલાના ત્રીજા દિવસે સ્થિતિ:
યુક્રેન પર હુમલાના ત્રીજા દિવસે શનિવારે રશિયન સૈનિકો રાજધાની કિવમાં પ્રવેશ્યા હતા. આ સાથે જ રાજધાનીના રસ્તાઓ પર હોબાળો શરૂ થઈ ગયો છે. વિસ્ફોટો અને બંદૂકોના અવાજથી આખું કિવ ધ્રૂજી ઊઠ્યું. સૈન્ય થાણાઓની સાથે, રશિયન સૈનિકોએ કેટલાક રહેણાંક વિસ્તારોને પણ નિશાન બનાવ્યા. પુલો, શાળાઓ, એપાર્ટમેન્ટ્સ અને હોસ્પિટલોને વ્યાપક નુકસાનને ધ્યાનમાં રાખીને, કિવના મેયરે રાત્રે શહેરમાં કડક કર્ફ્યુની જાહેરાત કરી છે.