November 05, 2024
હાલમાં ભારતમાં વેક્સીનેશન(Vaccination)ની કામગીરી ખુબ જ ઝડપથી આગળ વધી રહી છે. ત્યારે હવે બાળકોને પણ વેક્સિન આપવામાં આવી રહી છે. બાળકોને શાળામાં જ વેક્સિન(Vaccine) મળી રહે તે માટેની સરકાર દ્વારા યોજના ઘડવામાં આવી છે. ઘણા ખરા વિધાર્થીઓએ તો રસી લીધા બાદ પોતાની પ્રતિક્રિયાઓ પણ આપી છે. ત્યારે આ રસીકરણના અભિયાન વચ્ચે એક રસીકરણની ફરજ બજાવી રહેલ મહિલા કર્મચારી સાથે મારપીટનો મામલો સામે આવ્યો છે.
View this post on Instagram
બિહાર(Bihar)ના જમુઈ(Jamui)માં કોરોના રસીકરણ ડ્યુટીમાં કામ કરતા કર્મચારી સાથે મારપીટનો મામલો સામે આવ્યો છે. કહેવાય છે કે ચકાઈ રેફરલ હોસ્પિટલના બીસીએમ સુનિલ પ્રસાદે ગુરુવારે સવારે અચાનક કોવિડ-19 રસીકરણ ડ્યૂટીમાં કામ કરતી ANM અંબાલિકા કુમારીને માર મારવાનું શરૂ કરી દીધું હતું.
Trending News
તે જ સમયે, આ ઘટના પછી, તમામ ANMએ એક થઈને રસીકરણનું કામ ન કરવાનો નિર્ણય કર્યો અને BCM પર કાર્યવાહીની માંગ શરૂ કરી. ANMનો આરોપ છે કે બુધવારે ANM અંબાલિકા કુમારી કોઈ કારણસર ડ્યુટી પર આવી શકી ન હતી. આનું બહાનું બનાવીને બીસીએમ સુનીલ પ્રસાદે હોસ્પિટલના મેનેજર અને હોસ્પિટલના ઘણા કર્મચારીઓની સામે એએનએમ અંબાલિકા કુમારીને માર મારવાનું શરૂ કર્યું.
ANMનો આરોપ છે કે હોસ્પિટલના BCM સુનીલ પ્રસાદ અભદ્ર વર્તન કરે છે. તે અવારનવાર ફોન કરે છે અને જ્યારે ANM તેની સાથે વાત કરતા નથી, ત્યારે તેઓ એક યા બીજા બહાને તેની સાથે ખરાબ વર્તન કરે છે. ANMનું કહેવું છે કે જ્યાં સુધી BCM પર કાર્યવાહી નહીં થાય ત્યાં સુધી તે લોકો કામ પર પાછા નહીં આવે. આ અંગે પીડિત ANMએ પોલીસ સ્ટેશનમાં ફરિયાદ નોંધાવવાનું પણ કહ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.