મહિલાદિન પર ગૃહિણીઓને PM મોદી તરફથી મળી ભેટ, LPG સિલિન્ડરની કિંમતમાં થશે ધરખમ ઘટાડો

LPG Cylinder Price Reduced: મહિલા દિવસના અવસર પર વડાપ્રધાન નરેન્દ્ર મોદીએ મહિલાઓ માટે એક નવી ભેટ આપી છે. આ અંતર્ગત સરકાર એલપીજી સિલિન્ડરની કિંમતમાં 100 રૂપિયાનો ઘટાડો (LPG Cylinder Price Reduced) કરશે. તેનો મુખ્ય ઉદ્દેશ્ય મહિલાઓ માટે જીવન સરળ બનાવવા અને પર્યાવરણને સુરક્ષિત રાખવાનો છે.

Today, on Women’s Day, our Government has decided to reduce LPG cylinder prices by Rs. 100. This will significantly ease the financial burden on millions of households across the country, especially benefiting our Nari Shakti.

By making cooking gas more affordable, we also aim…

— Narendra Modi (@narendramodi) March 8, 2024

PMએ પોતાના ટ્વિટમાં લખ્યું કે આજે મહિલા દિવસના અવસર પર અમે LPG સિલિન્ડરની કિંમતમાં 100 રૂપિયાની છૂટનો મોટો નિર્ણય લીધો છે. તેનાથી નારી શક્તિનું જીવન સરળ બનશે એટલું જ નહીં પરંતુ કરોડો પરિવારોનો આર્થિક બોજ પણ ઓછો થશે. આ પગલું પર્યાવરણ સંરક્ષણમાં પણ મદદરૂપ થશે, જેનાથી સમગ્ર પરિવારના સ્વાસ્થ્યમાં પણ સુધારો થશે.

વડાપ્રધાને વધુમાં કહ્યું કે એલપીજી સસ્તું કરીને અમારી સરકાર પણ સ્વસ્થ વાતાવરણ સુનિશ્ચિત કરવા માંગે છે. આ નિર્ણયથી દેશની મહિલાઓનું સશક્તિકરણ થશે. આ સિવાય અન્ય એક પોસ્ટમાં તેણે આંતરરાષ્ટ્રીય મહિલા દિવસની શુભેચ્છા પણ પાઠવી હતી. અમારી સરકાર શિક્ષણ, ઉદ્યોગસાહસિકતા, કૃષિ, ટેકનોલોજી અને અન્ય ક્ષેત્રોમાં પહેલ કરીને આપણા દેશની મહિલાઓને સશક્ત બનાવવા માટે પ્રતિબદ્ધ છે.