ભાજપના દિગ્ગજ નેતા શંકર ચૌધરી ભૂલ્યા ભાન: 200 થી વધુ લોકોને ભેગા કર્યા અને એ પણ માસ્ક વગરના

સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે.

ત્યારે સરકાર દ્વારા કોરોના મહામારીને અટકાવવા માટે જાહેર જનતાને અને તમામ લોકોને કોરોનાથી બચવા માટે કોરોનાની ગાઈડલાઈન્સનું પાલન કરવાની સુચના આપી છે. સાથે કહ્યું છે કે, કોરોના સામેની જંગ જીતવા માટે આપણે સૌ લોકોએ માસ્ક અવશ્ય પહેરવું અને વારંવાર હાથને સાબુ વડે ધોવા અને સામાજિક અંતરનું પાલન કરવું ખુબ જ જરૂરી છે.

પરંતુ હાલમાં જ બનાસ ડેરીના ચેરમેન અને ભારતીય જનતા પાર્ટીના સક્રિય કાર્યકર્તા શંકર ચૌધરીની ઉપસ્થિતિમાં બનાસ મેડિકલ કોલેજ સંચાલિત સિવિલ હોસ્પિટલ,પાલનપુર ખાતે કર્મયોગી કોરોના વોરિયર્સ એવા પેરા મેડિકલ સ્ટાફ, નર્સ સ્ટાફ, નોન ટીચિંગ સ્ટાફ, ક્લાસ-૪ ના કર્મચારી, ડેરીના કર્મચારી અને ઓફિસ સ્ટાફને સન્માનિત કરવા માટે એક સન્માન સમારોહ યોજવામાં આવ્યો હતો.