અનેક બીમારીઓ માટે રામબાણ ઈલાજ છે ‘ભીંડાનું પાણી’ -દરરોજ સવારે સેવન કરવાથી થશે અનેક ફાયદા

ઉનાળા (Summer)ની ઋતુ ચાલી રહી છે અને આ ઋતુમાં લોકો એવી વસ્તુઓ ખાવાનું પસંદ કરે છે જેમાં પુષ્કળ પાણી અને શરીર માટે જરૂરી પોષક તત્વો(Nutrients) હોય છે. ઉનાળાની ઋતુમાં મળતા ભીંડા (ladyfinger)માં પણ આવા જ ફાયદાકારક તત્વો જોવા મળે છે. શું તમે જાણો છો કે ભીંડાનું પાણી આપણા શરીર માટે પણ ખૂબ જ ફાયદાકારક માનવામાં આવે છે. નિષ્ણાંતોનું કહેવું છે કે ભીંડાનું પાણી શરીરમાં બ્લડ સુગર (Blood sugar)ના સંચાલન માટે કામ કરે છે.

ભીંડા શરીર માટે કેટલા ફાયદાકારક છે?
ભીંડીમાં એવા પોષક તત્વો હોય છે જે શરીર માટે ખુબ જ ફાયદાકારક છે. તેમાં ફાઈબર, વિટામિન-બી6 અને ફોલેટ ભરપૂર માત્રામાં હોય છે. વિટામિન-બી ડાયાબિટીક ન્યુરોપથીની પ્રગતિને અટકાવે છે અને હોમોસિસ્ટીનનું સ્તર ઘટાડે છે, જે શરીરમાં ડાયાબિટીસનું મુખ્ય કારણ માનવામાં આવે છે. ઉપરાંત, ભીંડાના પાણીમાં દ્રાવ્ય ફાઇબર મળી આવે છે જે શરીરમાં ખાંડને સ્થિર રાખે છે. તેથી ડાયાબીટીસના દર્દીઓ માટે ભીંડો ખુબ જ ફાયદાકારક સાબિત થાય છે.

બ્લડ સુગર કેવી રીતે નિયંત્રિત થાય છે?
ભીંડીમાં માત્ર કેલરી જ ઓછી નથી, પરંતુ તે પાણીમાં દ્રાવ્ય અને અદ્રાવ્ય ફાઇબરનો ખૂબ સારો સ્ત્રોત પણ છે. આ તત્વને કારણે શરીરમાં ફાઈબર વિલંબ સાથે તૂટી જાય છે અને લોહીમાં ખાંડ ખૂબ જ ધીમે ધીમે બહાર આવે છે. આ જ કારણ છે કે ભીંડા શરીરના બ્લડ શુગર લેવલને નિયંત્રિત કરે છે. આ સિવાય ભીંડાનો ગ્લાયકેમિક ઇન્ડેક્સ (GI) પણ ખૂબ ઓછો છે અને એ સાબિત થયું છે કે લો ગ્લાયકેમિક ઇન્ડેક્સ ધરાવતી વસ્તુઓ આપણા બ્લડ સુગર લેવલને કંટ્રોલમાં રાખે છે. ‘અમેરિકન ડાયાબિટીસ એસોસિએશન’ પણ ભીંડાને ડાયાબિટીસના દર્દીઓ માટે ખૂબ જ સારો વિકલ્પ માને છે.