પૂર પ્રભાવિત લોકોને લઇ જતી બોટ પલટી જતા ત્રણ બાળકો ગાયબ- કુલ ૨૮ જિલ્લાઓના હાલ બેહાલ

ગુવાહાટી(Guwahati): આસામ (Assam)ના હોજાઈ(Hojai) જિલ્લામાં પૂર પ્રભાવિત લોકોને લઈ જતી એક હોડી પલટી ગઈ, જેમાં સવાર ત્રણ બાળકો ગુમ થઈ ગયા, જ્યારે 21 અન્યને બચાવી લેવામાં આવ્યા. અધિકારીઓએ શનિવારે આ જાણકારી આપી હતી. તેમણે જણાવ્યું હતું કે 24 ગ્રામજનોનું એક જૂથ શુક્રવારે મોડી રાત્રે ઇસ્લામપુર ગામથી સુરક્ષિત સ્થાન તરફ આગળ વધી રહ્યું હતું, આ દરમિયાન રાયકોટા વિસ્તારમાં ઇંટ-ભઠ્ઠા સાથે અથડાઈને તેમની હોડી પલટી ગઈ હતી. આસામના 28 જિલ્લામાં આ વર્ષે પૂરથી 18.95 લાખથી વધુ લોકો ખરાબ રીતે પ્રભાવિત થયા છે. રાજ્યમાં પૂર અને ભૂસ્ખલનના કારણે અત્યાર સુધીમાં 55 લોકોના મોત થયા છે.

#WATCH Flood situation in Assam’s Chirang district remains grim with thousands of people affected

SDRF teams rescue more than 100 villagers. All the trapped people were shifted to safe places. (18.06) pic.twitter.com/IzQeAVJ0H2

— ANI (@ANI) June 19, 2022

હોજાઈના ડેપ્યુટી કમિશનર અનુપમ ચૌધરીએ પીટીઆઈને જણાવ્યું હતું કે, “રાષ્ટ્રીય આપત્તિ પ્રતિભાવ દળ (NDRF) અને રાજ્ય આપત્તિ પ્રતિભાવ દળ (SDRF)ના જવાનોએ 21 લોકોને પાણીમાંથી બચાવ્યા છે, જ્યારે ત્રણ ગુમ બાળકોની શોધ ચાલી રહી છે.” ચૌધરીએ કહ્યું, “જો લોકો સુરક્ષિત સ્થળોએ જવા માંગતા હોય, તો તેઓએ જિલ્લા વહીવટીતંત્રનો સંપર્ક કરવો જોઈએ.” અમે તેમને NDRF અને SDRFની બોટ દ્વારા બહાર કાઢીશું.

#WATCH Locals wade through flood water in the Kampur area of central Assam’s Nagaon district pic.twitter.com/tdX1C5nzS4

— ANI (@ANI) June 19, 2022