November 24, 2024
રાજસ્થાન(Rajasthan)ના જોધપુર(Jodhpur)માં એક હૃદયદ્રાવક ઘટના સામે આવી છે. અહીં એક યુવકે તેની પ્રેમિકાને તેના જન્મદિવસ(birthday) નિમિત્તે સરપ્રાઈઝ(Surprise) આપવાના બહાને હોટલ(Hotel)માં બોલાવી હતી. બાદમાં તેણે તેને ડ્રગ્સનો ઓવરડોઝ આપીને તેના પર દુષ્કર્મ આચર્યું હતું. જેના કારણે યુવતીની તબિયત લથડી ગઈ હતી અને બાદમાં તેનું મુત્યુ નીપજ્યું હતું. આરોપી યુવક મોતનો ભોગ બનનાર ફુફીનો પુત્ર છે. પોલીસે આરોપી યુવકની ધરપકડ કરી છે. પોલીસ તેની પૂછપરછ કરી રહી છે.
જોધપુર કમિશનરેટના ડીસીપી (પૂર્વ) ડૉ. અમૃતા દુહાને કહ્યું કે 6 ઑગસ્ટના રોજ પોલીસને મહાત્મા ગાંધી હૉસ્પિટલમાંથી માહિતી મળી હતી કે એક યુવતીનું શંકાસ્પદ હાલતમાં મૃત્યુ થયું છે. જે બાદ પોલીસે હોસ્પિટલ પહોંચી મૃતક બાળકીના મૃતદેહને કબજામાં લઈ પોસ્ટ મોર્ટમ માટે શબઘરમાં રાખ્યો હતો. પૂછપરછ દરમિયાન જાણવા મળ્યું કે જોધપુરના ઉદય મંદિર પોલીસ સ્ટેશન વિસ્તારમાં રાજ રણછોડ મંદિરની સામે આવેલી હોટલમાં યુવતીની તબિયત બગડી હતી. જે બાદ તેનું શંકાસ્પદ હાલતમાં મોત થયું હતું.
સગાઈ કર્યા બાદ બંનેનું બ્રેકઅપ થઈ ગયું હતું:
ડો. અમૃતા દુહાને જણાવ્યું કે મૃત્યુ પામેલી 22 વર્ષની યુવતીને તેની બહેન ગંભીર હાલતમાં મહાત્મા ગાંધી હોસ્પિટલમાંથી લાવી હતી. પરંતુ ડોકટરોએ તપાસ કર્યા બાદ તેને મૃત જાહેર કરવામાં આવી હતી. વધુ પડતું લોહી વહી જવાને કારણે યુવતીનું મોત થયું હતું. તપાસમાં જાણવા મળ્યું કે મૃતક યુવતીની સગાઈ પહેલા તેના મામાના પુત્ર સાથે થઈ હતી. પરંતુ તે કોઈ કેસમાં ફસાઈ જતાં યુવતીના પરિવારજનોએ આ સગાઈ રદ કરી દીધી હતી. પરંતુ યુવતી અને યુવક બંને રિલેશનશિપમાં હતા.
Trending News
6 ઓગસ્ટના રોજ યુવતીનો જન્મદિવસ હતો. પોતાના જન્મદિવસની ઉજવણી કરવા માટે યુવક જયપુરથી જોધપુર આવ્યો હતો. તેણે યુવતીને ફોન કરીને હોટેલમાં બોલાવી હતી. ત્યાં તેઓ પહેલા પણ ઘણી વખત મળ્યા હતા. હોટલમાં યુવકે યુવતીને દવાનો ઓવરડોઝ આપ્યો હતો. બાદમાં તેના પર દુષ્કર્મ ગુજાર્યો હતો. જેના કારણે યુવતીની હાલત ખરાબ થઈ ગઈ. સૂત્રોનું માનીએ તો યુવકે યુવતીને MD ડ્રગનો ઓવરડોઝ આપ્યો હતો.
યુવતીને ત્રણ હોસ્પિટલમાં લઈ જવામાં આવી હતી:
યુવતીની હાલત બગડતી જોઈને યુવકે તેની બહેનને ફોન કરીને તેની જાણ કરી અને પોતે પણ ઘટનાસ્થળેથી ફરાર થઈ ગયો. જ્યારે યુવતીની બહેન હોટલ પહોંચી તો તેણે જોયું કે તે બેભાન અવસ્થામાં પડી હતી. તેનું લોહી વહી રહ્યું હતું. જે બાદ યુવતીની બહેન તરત જ તેને હોસ્પિટલ લઈ ગઈ. પરંતુ તબીબોએ તેને મૃત જાહેર કરી હતી. આ પછી યુવતીને ખાનગી હોસ્પિટલમાં લઈ જવામાં આવી હતી. ત્યાં પણ જ્યારે ડોક્ટરોએ ના પાડી તો તેઓ તેને મહાત્મા ગાંધી હોસ્પિટલમાં લઈ આવ્યા હતા.
આ માહિતી બાદ પોલીસે તાત્કાલિક કાર્યવાહી કરી અને હોટલનો રેકોર્ડ ચેક કર્યો હતો. યુવક હોટલમાં આવ્યો હોવાની ખાતરી કર્યા બાદ પોલીસે રેલવે સ્ટેશનના સીસીટીવી ફૂટેજ ચેક કર્યા હતા. જેમાં આરોપી યુવક જયપુર જતી ટ્રેનમાં બેઠો જોવા મળ્યો હતો. આ અંગે સીઆરપીએફ અધિકારીઓને જાણ કરવામાં આવી હતી. બાદમાં આરોપી મકરાણા રેલવે સ્ટેશન પરથી ઝડપાઈ ગયો હતો. આરોપીની પૂછપરછ બાદ પોલીસે તેની ધરપકડ કરી હતી.
ડીસીપી ડો. અમૃતા દુહાને જણાવ્યું કે, એફએસએલની ટીમને સ્થળ પર બોલાવવામાં આવી હતી અને પુરાવા એકત્ર કરવામાં આવ્યા છે. યુવતીએ કઈ દવા પીધી તે અંગેની માહિતી એફએસએલ રિપોર્ટ બાદ જાણવા મળશે. હાલ પોલીસે આ અંગે શારીરિક શોષણ અને હત્યાનો ગુનો નોંધીને તપાસ શરૂ કરી છે. પોલીસ દરેક પાસાઓથી મામલાની તપાસ કરી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.