November 28, 2024
Budget 2024 LIVE: નાણામંત્રી નિર્મલા સીતારમણ લોકસભામાં બજેટ રજૂ કરી રહ્યા છે. તેમણે કહ્યું, ‘ભારતની જનતાએ વડાપ્રધાન મોદીના નેતૃત્વવાળી સરકારમાં તેમને પોતાનો વિશ્વાસ વ્યક્ત કર્યો છે. તેઓ ઐતિહાસિક ત્રીજી ટર્મ માટે ફરીથી ચૂંટાયા છે. મુશ્કેલ સમયમાં પણ ભારતની અર્થવ્યવસ્થા ચમકી ઉઠી છે. નિર્મલા સીતારમણનું આ સતત 7મું બજેટ(Budget 2024 LIVE) રજૂ કરી રહ્યા છે. તેમણે કહ્યું, ‘સરકારનું ધ્યાન ગરીબો, મહિલાઓ, યુવાનો અને ખેડૂતો પર રહેશે. સરકાર નોકરીની તકો વધારી રહ્યું છે.
વહેલી સવારે નાણામંત્રી સવારે સૌથી પહેલા મંત્રાલય પહોંચ્યા અને અધિકારીઓ સાથે બેઠક યોજી હતી. આ પછી તે રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવન પહોંચ્યા, જ્યાં રાષ્ટ્રપતિએ તેને દહીં અને ખાંડ ખવડાવ્યા. આ પછી તે સંસદ ભવન પહોંચ્યા હતા. કેબિનેટે અહીં સંસદ ભવનમાં બજેટને મંજૂરી આપી હતી.
બજેટની 5 મોટી વાત
પહેલી નોકરી માટે:
1 લાખ રૂપિયાથી ઓછા પગાર હોવાથી, પહેલીવાર EPFO સાથે રજિસ્ટ્રેશન કરનાર લોકોને ત્રણ હપ્તામાં 15,000 રૂપિયાની સહાય આપવામાં આવશે.
Trending News
એજ્યુકેશન લોન:
જે લોકોને સરકારી યોજનાઓ હેઠળ કોઈ લાભ નથી મળી રહ્યો, તેઓને દેશભરની સંસ્થાઓમાં પ્રવેશ માટે લોન મળશે. સરકાર લોનની રકમના 3 ટકા સુધી આપશે. આ માટે ઈ-વાઉચર રજૂ કરવામાં આવી રહ્યું છે, જે દર વર્ષે એક લાખ વિદ્યાર્થીઓને આપવામાં આવશે.
ખેડૂતો, યુવાનો, મહિલાઓ અને ગરીબોના વિકાસ માટે વિવિધ યોજનાઓ દ્વારા લાભની યોજનાઓ લાવવામાં આવશે.
જમીન રજીસ્ટ્રીમાં 6 કરોડ ખેડૂતોની માહિતી લાવવામાં આવશે.
5 રાજ્યોમાં નવા કિસાન ક્રેડિટ કાર્ડ જાહેર કરવામાં આવશે.
બિહાર, ઝારખંડ, પશ્ચિમ બંગાળ, ઓડિશા અને આંધ્રપ્રદેશ માટે ઇન્ફ્રાસ્ટ્રક્ચર ડેવલેપમેન્ટ માટે ખાસ સ્કીમ
બજેટની 5 મોટી વાત
પહેલી નોકરી માટે:
1 લાખ રૂપિયાથી ઓછા પગાર હોવાથી, પહેલીવાર EPFO સાથે રજિસ્ટ્રેશન કરનાર લોકોને ત્રણ હપ્તામાં 15,000 રૂપિયાની સહાય આપવામાં આવશે.
એજ્યુકેશન લોન:
જે લોકોને સરકારી યોજનાઓ હેઠળ કોઈ લાભ નથી મળી રહ્યો, તેઓને દેશભરની સંસ્થાઓમાં પ્રવેશ માટે લોન મળશે. સરકાર લોનની રકમના 3 ટકા સુધી આપશે. આ માટે ઈ-વાઉચર રજૂ કરવામાં આવી રહ્યું છે, જે દર વર્ષે એક લાખ વિદ્યાર્થીઓને આપવામાં આવશે.
– ખેડૂતો, યુવાનો, મહિલાઓ અને ગરીબોના વિકાસ માટે વિવિધ યોજનાઓ દ્વારા લાભની યોજનાઓ લાવવામાં આવશે.
– જમીન રજીસ્ટ્રીમાં 6 કરોડ ખેડૂતોની માહિતી લાવવામાં આવશે.
– 5 રાજ્યોમાં નવા કિસાન ક્રેડિટ કાર્ડ જાહેર કરવામાં આવશે.
– બિહાર, ઝારખંડ, પશ્ચિમ બંગાળ, ઓડિશા અને આંધ્રપ્રદેશ માટે ઇન્ફ્રાસ્ટ્રક્ચર ડેવલેપમેન્ટ માટે ખાસ સ્કીમ
12:25 pm-25 હજાર વસાહતોમાં પૂરને પહોંચી વળવાની તૈયારી
નાણામંત્રી નિર્મલા સીતારમણે કહ્યું છે કે, 25 હજાર ગ્રામીણ વિસ્તારમાં રહેતા લોકો સર્વ-હવામાન રસ્તાઓ આપવા માટે પ્રધાનમંત્રી ગ્રામ સડક યોજનાનો તબક્કો 4 શરૂ કરવામાં આવશે. બિહારમાં અવારનવાર પૂર આવતું હોય છે. નેપાળમાં પૂર નિયંત્રણ માળખાં બાંધવાની યોજના હજુ આગળ વધી નથી. અમારી સરકાર અંદાજિત 11,500 કરોડ રૂપિયાના ખર્ચે નાણાકીય સહાય પૂરી પાડવામાં આવશે. દર વર્ષે પૂરનો ભોગ બનેલા આસામને પૂર વ્યવસ્થાપન અને સંબંધિત પ્રોજેક્ટ માટે સહાય આપવામાં આવશે. હિમાચલ પ્રદેશ, જેણે પૂરને કારણે વ્યાપક નુકસાન સહન કર્યું છે, તેને પણ બહુપક્ષીય સહાય દ્વારા પુનર્નિર્માણ માટે સમર્થન મળશે. આ ઉપરાંત ભૂસ્ખલન અને વાદળ ફાટવાને કારણે ઘણું નુકસાન પામેલા ઉત્તરાખંડને પણ સહાય પૂરી પાડવામાં આવશે.
12:17 PM-અર્બન હાઉસિંગ પ્લાન માટે 10 લાખ કરોડ
નાણામંત્રીએ PM અર્બન હાઉસિંગ પ્લાન માટે 10 લાખ કરોડ રૂપિયાની જાહેરાત કરવામાં આવી છે. નાણામંત્રીએ કહ્યું કે રેન્ટલ હાઉસિંગને પ્રોત્સાહન અને રેગ્યુલેશન કરવા માટે નિયમો બનાવવામાં આવી રહ્યા છે. સ્ટેમ્પ ડ્યુટી ઘટાડનારા રાજ્યોને પ્રોત્સાહન આપવામાં આવી રહ્યું છે. એનર્જી ટ્રાંન્જિશન માટે નવી નીતિ લાવવામાં આવશે. એક કરોડ ઘરો માટે પીએમ સૂર્યઘર મફત વીજળી યોજનાની જાહેરાત કરવામાં આવી છે. મહિલાઓના નામની નોંધણી પર સ્ટેમ્પ ડ્યુટીમાં રાહતનો પ્રસ્તાવ મૂકવામાં આવ્યો છે. નાના ન્યુક્લિયર પાવર પ્લાન્ટ ખાનગી ક્ષેત્રના સહયોગથી બનાવવામાં આવશે.
11: 56 am-મુદ્રા લોનની મર્યાદા 10 લાખ રૂપિયાથી વધારીને 20 લાખ રૂપિયા કરવામાં આવી
બજેટમાં MSME અને મેન્યુફેક્ચરિંગ પર વિશેષ ધ્યાન આપવામાં આવી રહ્યું છે. MSMEsને તેમના તણાવના સમયગાળા દરમિયાન બેંક ધિરાણ ચાલુ રાખવાની સુવિધા માટે બજેટમાં નવી વ્યવસ્થા જાહેર કરવામાં આવી છે. સાથે જ મુદ્રા લોનની મર્યાદા 10 લાખ રૂપિયાથી વધારીને 20 લાખ રૂપિયા કરવામાં આવી રહી છે.
11: 49 am-એક કરોડ યુવાઓ માટે ઇન્ટર્નશિપ પ્રોગ્રામનું એલાન
કેન્દ્રીય બજેટ રજૂ કરતા નાણામંત્રી નિર્મલા સીતારમણે કહ્યું, ‘સરકાર 500 ટોચની કંપનીઓમાં 1 કરોડ યુવાનોને ઇન્ટર્નશિપની તકો પૂરી પાડવા માટેની એક યોજના શરૂ કરવામાં આવશે. જેમાં દર મહિને રૂ. 5000નું ઇન્ટર્નશીપ ભથ્થું અને રૂ. 6000ની એકમ સહાય આપવામાં આવી શકે છે.
11: 48 am-બજેટમાં બિહાર માટે જાહેરાત
સીતારમણે વધુમાં કહ્યું, ‘પટના-પૂર્ણિયા એક્સપ્રેસવે, બક્સર-ભાગલપુર એક્સપ્રેસવે બનાવવામાં આવશે. બિહારમાં નવી મેડિકલ કોલેજો પણ બનાવવામાં આવશે. સાથે જ નવા એરપોર્ટનું પણ નિર્માણ કરવામાં આવી શકે છે.
11: 41 am-મહિલાઓ અને છોકરીઓ માટે રૂ. 3 લાખ કરોડ
મહિલાઓ અને છોકરીઓને લાભ આપતી યોજનાઓ માટે 3 લાખ કરોડ રૂપિયાની જોગવાઈ કરવામાં આવી રહી છે. ઈન્ડિયા પોસ્ટ પેમેન્ટ બેંકની 100 થી વધુ શાખાઓ ઉત્તર-પૂર્વ ક્ષેત્રમાં સ્થાપિત કરવામાં આવી રહી છે. રાષ્ટ્રની ખાદ્ય સુરક્ષા સુનિશ્ચિત કરવા પોલાવરમ સિંચાઈ યોજના પૂર્ણ કરવામાં આવશે. વિશાખાપટ્ટનમ-ચેન્નઈ ઈન્ડસ્ટ્રીયલ કોરિડોરમાં કોપર્થી વિસ્તાર અને હૈદરાબાદ-બેંગલુરુ ઈન્ડસ્ટ્રીયલ કોરિડોરમાં ઓરવાકલ વિસ્તારના વિકાસ માટે ફંડ આપવામાં આવશે.
11:39 am-એજ્યુકેશન લોનના વ્યાજ પર રાહત
યુનિયન બજેટ 2024-25 દર વર્ષે 25,000 વિદ્યાર્થીઓને મદદ કરવા માટે મોડેલ સ્કિલ લોન યોજનામાં સુધારો કરવાની દરખાસ્ત કરવામાં આવ્યો છે. ઘરેલું સંસ્થાઓમાં ઉચ્ચ શિક્ષણ માટે રૂ. 10 લાખ સુધીની લોન માટેના ઈ-વાઉચર્સ દર વર્ષે 1 લાખ વિદ્યાર્થીઓને લોનની રકમના 3% વાર્ષિક વ્યાજ સબવેન્શન માટે સીધા જ આપવામાં આવશે.
સીતારમણે કહ્યું- ભારતની અર્થવ્યવસ્થા સતત સારું પ્રદર્શન કરી રહી છે
નાણામંત્રી નિર્મલા સીતારમણ લોકસભામાં બજેટ રજૂ કરી રહ્યા છે. નાણામંત્રીનું આ સતત 7મું બજેટ રજુ કરી રહ્યા છે. તેમણે સવારે 11.03 વાગ્યે પોતાનું ભાષણ શરૂ કરી દીધું હતું. તેમણે કહ્યું કે ‘ભારતની અર્થવ્યવસ્થા સતત સારું પ્રદર્શન કરી રહી છે, અને ભવિષ્યમાં પણ આ ચાલુ રહેવાની અપેક્ષા રાખી રહ્યું છે. મોંઘવારી સતત નિયંત્રણમાં છે. ખાદ્યપદાર્થો પણ ઉપલબ્ધ છે.
જેમ કે અમે વચગાળાના બજેટમાં કહ્યું – ગરીબ, મહિલા, યુવા અને અન્નદાતા – અમે આ ચાર જાતિઓ પર ધ્યાન કેન્દ્રિત કરવા જઈ રહ્યું છે. એક મહિના પહેલા અમે લગભગ તમામ મિલેટ્સ પર MSP વધારવાની જાહેરાત કરી છે. પ્રધાનમંત્રી ગરીબ કલ્યાણ અન્ન યોજના 80 કરોડથી વધુ લોકોને લાભ આપવા માટે ચાલી રહી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App