November 24, 2024
રાજસ્થાન(Rajasthan)ની રાજધાની જયપુર(Jaipur)થી એક ચોંકાવનારો કિસ્સો પ્રકાશમાં આવ્યો છે, જ્યાં નાકાબંધી પર ઊભેલા બે પોલીસકર્મીઓને એક ઝડપી કારે ટક્કર મારીને હવામાં ઉડાવી દીધા હતા. અકસ્માત(Accident) એટલો જોરદાર હતો કે ટક્કર બાદ બંને પોલીસકર્મીઓ હવામાં ઉછળીને 20 ફૂટ દૂર પડ્યા હતા. ટક્કર માર્યા બાદ કાર ચાલક સ્થળ પરથી ફરાર થઈ ગયો હતો.
નાકાબંધી પર ઉભેલા અન્ય પોલીસકર્મીઓએ બંનેને તાત્કાલિક હોસ્પિટલમાં ખસેડ્યા, જ્યાં તેમની હાલત નાજુક હોવાનું કહેવાય છે. અકસ્માત બાદ એક સીસીટીવી ફૂટેજ પણ સામે આવ્યા છે, જેમાં અકસ્માત જોઈને લોકો પણ ચોંકી ઉઠ્યા છે.
View this post on Instagram
Trending News
બંને પોલીસકર્મીઓ લગભગ 20 ફૂટ દુર ફંગોળાયા:
પ્રાપ્ત માહિતી અનુસાર, આ મામલો જોતવારા પોલીસ સ્ટેશન વિસ્તારનો છે. ફેન કાટા પાસે ચોકડી પર પોલીસ દ્વારા નાકાબંધી કરવામાં આવી હતી. આ દરમિયાન હેડ કોન્સ્ટેબલ રઘુવીર સિંહ અને કોન્સ્ટેબલ મહેન્દ્ર સિંહ અન્ય જવાનો સાથે ડ્યૂટી કરી રહ્યા હતા. આ ઘટના રાત્રે એક વાગ્યાની આસપાસ બની હતી. જ્યારે એક સફેદ રંગની કાર તેજ ગતિએ આવી, જેણે પહેલા બેરિકેડિંગને ટક્કર મારી, ત્યારબાદ તે બે પોલીસકર્મીઓને ટક્કર મારતાં આગળ વધી. ટક્કર એટલી ભીષણ હતી કે બંને સૈનિકો લગભગ 20 ફૂટ હવામાં ઉડીને નીચે પડી ગયા હતા.
બંને પોલીસકર્મીઓની હાલત નાજુક છે.
આ અકસ્માતમાં બંને પોલીસકર્મીઓને ગંભીર ઈજાઓ પહોંચી છે. બંનેને પહેલા મણિપાલ હોસ્પિટલમાં લઈ જવામાં આવ્યા હતા. જ્યાં સારવાર દરમિયાન હેડ કોન્સ્ટેબલ રઘુવીર સિંહની હાલત નાજુક હોવાનું જણાવવામાં આવ્યું હતું, જેને બાદમાં એસએમએસ હોસ્પિટલમાં રિફર કરવામાં આવ્યા હતા. રઘુવીર સિંહના ચહેરા પર ગંભીર ઈજાઓ છે, તેમજ ખભા અને ગરદનના હાડકાં તૂટેલા છે. બીજી તરફ પોલીસ કોન્સ્ટેબલ મહેન્દ્રસિંહને માથા અને કમરના ભાગે ઈજાઓ થઈ છે. બીજી તરફ પોલીસે આરોપી કાર ચાલક સામે ગુનો નોંધ્યો છે. સીસીટીવીની મદદથી આરોપીને શોધી કાઢવામાં આવી રહ્યો છે. ટૂંક સમયમાં જ આરોપી ઝડપાઈ જશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.