May 18, 2024
સીબીઆઈએ દિલ્હી સરકાર(Delhi Govt) દ્વારા 1000 લો-ફ્લોર બસોની ખરીદીમાં કથિત ભ્રષ્ટાચારના આરોપોની પ્રાથમિક તપાસ નોંધી છે. અધિકારીઓએ રવિવારે આ જાણકારી આપી. તેમણે કહ્યું કે કેન્દ્રીય ગૃહ મંત્રાલય(Union Ministry of Home Affairs)ના સંદર્ભ પર તપાસ નોંધવામાં આવી છે. દિલ્હી સરકારે બસ ખરીદીમાં ભ્રષ્ટાચારના આરોપોને નકારી કાઢ્યા હતા. આ પહેલા સીબીઆઈએ ડેપ્યુટી સીએમ મનીષ સિસોદિયા(Manish Sisodia)ના ઘરે દારૂની નીતિને લઈને દરોડા પાડ્યા હતા. આ કેસમાં સિસોદિયાને મુખ્ય આરોપી બનાવવામાં આવ્યા છે.
ભાજપે આ મુદ્દો ઉઠાવ્યો હતો:
AAP સરકારે ભારતીય જનતા પાર્ટીના નેતૃત્વવાળી કેન્દ્ર સરકાર પર સીબીઆઈનો ઉપયોગ કરીને હેરાન કરવાનો આરોપ લગાવ્યો છે. દિલ્હી ટ્રાન્સપોર્ટ કોર્પોરેશન (DTC) દ્વારા બસોની ખરીદી માટેના વાર્ષિક જાળવણી કરાર (AMC)માં ભ્રષ્ટાચારનો મુદ્દો આ વર્ષે માર્ચમાં દિલ્હી વિધાનસભામાં ભાજપ દ્વારા ઉઠાવવામાં આવ્યો હતો.
જૂનમાં, ભૂતપૂર્વ લેફ્ટનન્ટ ગવર્નર અનિલ બૈજલ દ્વારા રચવામાં આવેલી ત્રણ સભ્યોની સમિતિએ AMCમાં પ્રક્રિયાગત ક્ષતિઓ શોધી કાઢી હતી અને તેને સુધારવાની ભલામણ કરી હતી.
પૂર્વ લેફ્ટનન્ટ ગવર્નરે તપાસની ભલામણ કરી હતી:
અધિકારીઓએ જણાવ્યું હતું કે ઉપરાજ્યપાલે આ મામલાને ગૃહ મંત્રાલયને વિચારણા માટે મોકલ્યો હતો. તેમણે જણાવ્યું હતું કે, પ્રાથમિક તપાસ એ ફરિયાદમાંના આરોપોને જાણવા માટેનું પ્રથમ પગલું છે કે શું તેઓ પ્રાથમિક દૃષ્ટિએ એફઆઈઆરને પાત્ર ગુનો દર્શાવે છે. દિલ્હીનું રાજકારણ ચરમસીમાએ છે. AAP અને BJP આમને-સામને છે. બંને પક્ષોના નેતાઓ એકબીજા પર આક્ષેપો કરી રહ્યા છે. સીએમ કેજરીવાલે કહ્યું છે કે ભાજપ આ એજન્સીઓનો દુરુપયોગ કરી રહી છે જેથી AAP નેતાઓને નિશાન બનાવી શકાય.
Trending News
મનીષ સિસોદિયાના રાજીનામાની માંગ:
દિલ્હી સરકારની એક્સાઈઝ નીતિને લઈને ડેપ્યુટી સીએમ મનીષ સિસોદિયાના ઘરે સીબીઆઈના દરોડા બાદ દિલ્હી પ્રદેશ કોંગ્રેસના કાર્યકરોએ તેમના રાજીનામાની માંગ કરી છે. પૂર્વ સાંસદ સંદીપ દીક્ષિતે કહ્યું કે દિલ્હી સરકાર દ્વારા લાગુ કરવામાં આવેલી એક્સાઈઝ પોલિસીમાં ભ્રષ્ટાચાર સાબિત થયા બાદ સીબીઆઈની તપાસ શરૂ થયા બાદ આમ આદમી પાર્ટી સંપૂર્ણપણે ચોંકી ગઈ છે. “કેજરીવાલના મતે, એક્સાઇઝ પોલિસીમાં કોઈ ભ્રષ્ટાચાર નથી. આવી સ્થિતિમાં દિલ્હી સરકારે સીબીઆઈ તપાસની ભલામણ કર્યા પછી તરત જ એક્સાઈઝ પોલિસી કેમ પાછી ખેંચી લીધી?
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
