પત્નીએ એવો તો કેવો ત્રાસ આપ્યો હશે કે, કંટાળી પતિએ ઉઠાવ્યું ખૌફનાક પગલું- સુસાઇડ નોટ વાંચી રુવાડા બેઠા થઇ જશે

એક યુવકે તેની પત્નીના ત્રાસથી કંટાળીને આપઘાત કરી લીધો છે. આપઘાત પહેલા તેણે તેની બહેનને ફોન કર્યો હતો અને કહ્યું હતું કે, હવે મારે જીવવું નથી. આ ઉપરાંત તેણે એક સુસાઈડ નોટ પણ છોડી છે. જેમાં યુવકે તેના મોત માટે તેની પત્ની, સાળો અને સાળીને જવાબદાર ગણાવ્યા છે. આ ઘટના ગૌરેલા પોલીસ સ્ટેશન વિસ્તારની છે.

મળતી માહિતી અનુસાર, મૂળ મધ્યપ્રદેશના ડિંડોરી જિલ્લાના ગોરખપુરનો રહેવાસી રીબલ સલુજા (36)ના લગ્ન ગૌરેલાના અંધિયારખોની રહેવાસી રાની સલુજા (34) સાથે થયા હતા. તેને 2 બાળકો પણ છે. એવું નોંધવામાં આવ્યું છે કે, રીબલ કંઈ કામ ધંધો ન કરતો હોવાને કારણે પતિ-પત્ની વચ્ચે ઝઘડા થતા હતા. આનાથી ક્રોધિત થઈને રાની તેને છોડીને પોતાના પિયર આવી ગઈ હતી. તેમના બંને બાળકો પણ તેમની માતા સાથે હતા.

બહેન સાથેની વાતચીતનો ઓડિયો સામે આવ્યો…
એવું કહેવામાં આવી રહ્યું છે કે, તેની પત્નીના પિયર જવાથી રીબલ ખૂબ જ દુઃખી હતો. જેના કારણે તેઓ રવિવારે ગૌરેલા પણ આવ્યા હતા. આ પછી તેણે તેની બહેનને પણ ફોન કર્યો. રીબલે તેની બહેનને ફોન કરીને જણાવ્યું હતું કે, રાની મને ખૂબ જ હેરાન કરે છે. બાળકોને પણ સાથે લઈ ગઈ છે. હું બાળકો વિના જીવી શકતો નથી. બાળકો પણ મારી સાથે જવા તૈયાર નથી.

રીબલે તેની બહેનને કહ્યું કે મને કંઈક થશે. તે ઘણી બધી લોન લઈને આવી છે. લોકો ઘરે આવીને પૈસા માંગે છે. મારા સાસરિયાઓ મને હેરાન કરે છે. રાની મને કહે છે કે, પહેલા તું કઈ કામ કર પછી હું તારી સાથે આવું. મને ખબર નથી કે આ લોકોએ શું કર્યું છે.. બહેન તમે જુઓ. રીબલે તેની બહેનને ફોન પર પણ કહ્યું કે, ઘણી વખત મેં રાણીને કહ્યું છે કે હું મરી જઈશ, તો તે કહે છે કે મરી જા, મારો કોઈ મતલબ નથી. આ વાતચીતનો ઓડિયો પણ સામે આવ્યો છે. આ વાતચીત બાદ જ તેણે ગળેફાંસો ખાઈને આપઘાત કરી લીધો હતો.