November 28, 2024
ચંદીગઢ મ્યુનિસિપલ કોર્પોરેશન(Chandigarh Municipal Corporation)ની ચૂંટણીના પરિણામો જાહેર થઈ ગયા છે. આ પરિણામોએ સૌ લોકોને ચોંકાવી દીધા છે. વાસ્તવમાં આ વખતે 35 સીટોવાળા કોર્પોરેશનમાં આમ આદમી પાર્ટી(AAP) સૌથી મોટી પાર્ટી બનીને ઉભરી છે. AAPને 14 બેઠકો મળી છે. જ્યારે ભાજપ(BJP) 12 બેઠકો સાથે બીજા ક્રમે છે. કોંગ્રેસ(Congress) આઠ બેઠકો સાથે ત્રીજા સ્થાને છે જ્યારે અકાલી દળને એક બેઠક મળી છે.
પાલિકાના 35 વોર્ડ માટે નવ મતગણતરી કેન્દ્રો બનાવવામાં આવ્યા હતા અને સવારે 9 વાગ્યાથી મતગણતરી શરૂ કરવામાં આવી હતી. શુક્રવારે યોજાયેલી ચૂંટણીમાં 60 ટકાથી વધુ મતદાન નોંધાયું હતું. વોર્ડની સંખ્યા 2016માં 26 હતી તે વધીને હવે 35 થઈ ગઈ છે.
પરંપરાગત રીતે, દર પાંચ વર્ષે યોજાતી મ્યુનિસિપલ ચૂંટણીઓમાં ભારતીય જનતા પાર્ટી (BJP) અને કોંગ્રેસ વચ્ચે નજીકની સ્પર્ધા જોવા મળે છે, પરંતુ આ વખતે સમીકરણ સંપૂર્ણપણે બદલાઈ ગયું છે. આ વખતે આમ આદમી પાર્ટી મોટી પાર્ટી તરીકે ઉભરી આવી છે.
Trending News
છેલ્લી મ્યુનિસિપલ ચૂંટણીઓમાં, ભાજપે 20 બેઠકો જીતી હતી અને તેના ભૂતપૂર્વ સાથી શિરોમણી અકાલી દળને એક બેઠક મળી હતી. કોંગ્રેસને માત્ર ચાર બેઠકો મળી હતી. ભાજપે છેલ્લાં પાંચ વર્ષની તેની સિદ્ધિઓના આધારે ચૂંટણી લડી છે, જ્યારે કોંગ્રેસ અને AAPએ વિકાસના કામમાં નિષ્ફળતા અને સ્વચ્છ સર્વેક્ષણ (સ્વચ્છતા માટેનું રેન્કિંગ) રેન્કિંગમાં શહેર નીચે જવા બદલ ભાજપ પર નિશાન સાધ્યું છે. પરંતુ ટીકા કરવામાં આવી છે. તેને દાદુમાજરા કચરા સંગ્રહ સ્થળની સમસ્યાનું નિરાકરણ ન કરવા અને જીવનજરૂરી ચીજવસ્તુઓના ભાવ વધારાને લઈને પણ બંને પક્ષોએ ભાજપને ઘેરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.