May 24, 2024
Changed gender and married lover in Uttar Pradesh: ઉત્તર પ્રદેશના કૌશામ્બી જિલ્લામાં એક ચોંકાવનારો કિસ્સો સામે આવ્યો છે. અહીં એક થર્ડ જેન્ડર તેના પ્રેમી સાથે લગ્ન કરવા માટે છોકરી બની હતી.(Changed gender and married lover in Uttar Pradesh) આ પછી બંને પતિ-પત્નીની જેમ સાથે રહેતા હતા, પરંતુ થોડા સમય પછી પ્રેમી તેના પરિવાર પાસે ગયો હતો. હવે પ્રેમીના પરિવારજનો પીડિતાને મળવા દેતા નથી. થર્ડ જેન્ડરમાંથી છોકરી બન્યા બાદ તેનું જીવન મુશ્કેલીમાં મુકાઈ ગયું છે.
મળતી માહિતી મુજબ થર્ડ જેન્ડર રાહુલ કુમાર કૌશામ્બી વિસ્તારના ચક એઆઈ દુલ્હનિયાપુરનો રહેવાસી છે. ઘરમાં માતા-પિતા થર્ડ જેન્ડરના જન્મને કારણે ભેદભાવ કરવા લાગ્યા. આ પછી તેણે ઘર છોડી દીધું. તેની સાથે વાત કરતા તેને કહ્યું કે, નાનપણથી જ મેં હોશ સંભાળ્યો અને તરત જ મેં ગીતો અને નૃત્ય કરીને મારી ગુજરાન ચલાવવાનું શરૂ કર્યું.
2016માં સતીશને મળ્યો, મિત્રતા પછી પ્રેમ થયો
જ્યારે રાહુલ કુમાર મોટો થયો ત્યારે વર્ષ 2016માં તેની મુલાકાત હિસમપુર ગામના સતીશ ઉર્ફે સંતોષ સાથે થઈ હતી. બંનેની મિત્રતા પ્રેમમાં બદલાઈ ગઈ. રાહુલ કુમારના કહેવા પ્રમાણે, સતીશ ઉર્ફે સંતોષના કહેવા પર તેણે પોતાની બચત (લગભગ 8 લાખ રૂપિયા) ખર્ચીને તેનું લિંગ બદલાવ્યું. હવે તે રાહુલમાંથી રાગિણી બની ગઈ છે. આ પછી રાગિણીએ મંદિરમાં સતીશ સાથે લગ્ન કર્યા અને બંને પતિ-પત્નીની જેમ રહેવા લાગ્યા. લગભગ 6 મહિના પછી અચાનક સતીષ ઉર્ફે સંતોષના પરિવારજનો આવ્યા અને તેને લઈ ગયા.
રાગિણીનો આરોપ છે કે ઘરે ગયા પછી સતીશ હવે તેની સાથે વાત કરતો નથી. હું સતીશને તેના ઘરે મળવા ગય ત્યારે તેને માર મારવામાં આવ્યો હતો. તે દલિત સમુદાયનો છે, એટલા માટે સતીશના પરિવારના સભ્યો તેને મળવા દેતા નથી. પરિવારના સભ્યોના પ્રભાવમાં આવીને સતીષે મળવાનું અને વાત કરવાનું બંધ કરી દીધું છે.
પીડિતા રાગિણીએ આ અંગે પોલીસમાં ફરિયાદ કરી છે. એસપી બ્રિજેશ કુમાર શ્રીવાસ્તવે કહ્યું કે આ મામલો ધ્યાન પર આવ્યો છે, હાલ સમગ્ર મામલે તપાસ કરવામાં આવી રહી છે. તપાસમાં જે પણ આવશે તે મુજબ કાર્યવાહી કરવામાં આવશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
Trending News
