November 16, 2024
ચીન છેલ્લા કેટલાક સમયથી લદ્દાખ પર નજર રાખી રહ્યું છે. કોઈ પણ સંજોગોમાં તે અહીં કબજો કરવા માંગે છે, પરંતુ ભારતના કડક વલણને જોતા આ યુક્તિ સફળ થઈ રહી નથી. ફરી એકવાર, ચીની સેનાએ એલએસી લાઇનને પાર કરી અને ભારતીય સરહદમાં પ્રવેશવાનો પ્રયાસ કર્યો, તેને ભારતીય સૈનિકો તરફથી યોગ્ય જવાબ મળ્યો. જો કે, બહુ ઓછા લોકો જાણે છે કે લદાખ પર ચીનની નજર અહીં ભવ્ય ખજાના પર છે.
લદાખ ચીન માટે વ્યૂહાત્મક તેમજ આર્થિક દ્રષ્ટિએ ખૂબ જ મહત્વપૂર્ણ છે. કારણ કે એવું કહેવામાં આવે છે કે, અહીંના પર્વતો યુરેનિયમ, ગ્રેનાઇટ, સોના જેવી દુર્લભ કિંમતી ધાતુથી ભરેલા છે અને ચીનની નજર આ પર્વતો પર છે. જે ગલવાન માટે ચીન અને ભારત વચ્ચે વિવાદ ચાલી રહ્યો છે તેની બાજુમાં જ ગોગરા પોસ્ટની પાસે ‘ગોલ્ડન માઉન્ટન’ છે. એવું કહેવામાં આવે છે કે, આ પર્વત પર સોનાનો વિશાળ સંગ્રહ છે, જેના કારણે ચીન વારંવાર આવી હરકત કરી રહ્યું છે.
આ સાથે લદાખના ઘણા વિસ્તારોમાં ઉચ્ચ ગુણવત્તાવાળા યુરેનિયમ ભંડાર મળી આવ્યા છે. જેમાંથી પરમાણુ શક્તિ તેમજ પરમાણુ બોમ્બ પણ બનાવી શકાય છે. 2007 માં, જર્મનીએ લદાખમાં કેટલાક પર્વતોના નમૂના લીધા હતા, જેની તપાસ કર્યા બાદ તેઓએ કહ્યું હતું કે, આ પર્વતોમાં5.36 ટકા યુરેનિયમનો જથ્થો હતો, જે દેશના અન્યત્ર મળતા યુરેનિયમ કરતા વધારે છે. ત્યારથી, ચીન આ સ્થાન પર નજર રાખી રહ્યું છે અને તે તેના પર કબજો કરવા માંગે છે.(DEMO PIC)
Trending News
યુરેનિયમનો ઉપયોગ પરમાણુ બોમ્બ માટે થાય છે
તાજેતરમાં ચીનના નિષ્ણાતોએ યુ.એસ. સાથે વધી રહેલા તણાવની વચ્ચે અણુ બોમ્બની સંખ્યા વધારીને 1000 કરવાની સુચના આપી છે. એક અંદાજ મુજબ હાલમાં ચીન પાસે લગભગ 260 પરમાણુ બોમ્બ છે. જો ચીન 1000 પરમાણુ બોમ્બ બનાવે છે, તો તેને મોટા પાયે યુરેનિયમની જરૂર પડશે. આવી સ્થિતિમાં, ચીન અહીંથી યુરેનિયમ કાઢીને તેના પરમાણુ બોમ્બ વધારવામાં મોટી સફળતા મેળવી શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news