Lockdown ના લીધે સંકટમાં ચિત્રકૂટ ના વાંદરાઓ, લોકોએ આવી રીતે કરી મદદ

લંકામાં ભગવાન શ્રીરામને જીત અપાવનાર વાનરસેના મર્યાદાપુરુષોત્તમ શ્રીરામની તપોભૂમિ ધર્મનગરી ચિત્રકૂટમાં ભૂખથી મરી રહી છે. હકીકતમાં અહીંના વાનરો સંપૂર્ણ રીતે પર્યટન પર નિર્ભર છે. ચિત્રકૂટમાં પર્યટકો વાંદરાઓ માટે ખોરાકની વ્યવસ્થા કરે છે. Lockdown ને કારણે ચિત્રકૂટમાં પર્યટકોનું આવવાનું બંધ છે. એટલા માટે વાંદરાઓ સામે પણ ખાવાપીવાના ફાંફા પડી રહ્યા છે.એટલા માટે વાંદરાઓ માટે નગર પરિષદ ના કેટલાક સમાજસેવીઓની મદદથી રોજ ચણા અને બિસ્કીટ ની વ્યવસ્થા કરી છે.

વૈશ્વિક મહામારી કોરોનાવાયરસના સંક્રમણથી બચવા માટે આ સમયે આખો દેશ lockdown ના છે. જેની અસર દરેકના જીવન પર પડી રહી છે. એવામાં જનાવરો પણ કઈ રીતે બચી શકે. ભગવાન શ્રીરામે પોતાના વનવાસ કાળના લગભગ સાડા અગિયાર વર્ષ ચિત્રકૂટમાં વિતાવ્યા હતા.રામ રાવણ યુદ્ધમાં પોતાની મહત્ત્વની ભૂમિકા નિભાવનાર વાનરસેના પણ ચિત્રકૂટમાં સૌથી વધારે જોવા મળે છે.

Lockdown ના કારણે મંદિરોના દરવાજા બંધ છે. ચિત્રકૂટની કામદગીરીની પરિક્રમા હાલમાં બંધ છે. શ્રદ્ધાળુઓ અહીંયા નથી પહોંચી રહ્યા.એટલા માટે ચિત્રકૂટમાં રહેતા વાંદરાઓ અને લંગુરો સામે ખાવા-પીવાનું સંકટ ઊભું થયું છે. એવામાં ચિત્રકૂટની નગર પરિષદએ તેની સંભાળ લીધી છે અને કેટલીક સમાજસેવીઓની મદદથી તેમના ખાવાની વ્યવસ્થા કરવામાં આવી. વાંદરાઓ અને લંગુરોને ખાવા માટે બિસ્કિટ અને ચણા આપવામાં આવી રહ્યા છે.