સુપ્રીમ કોર્ટના આ નિર્ણય બાદ પ્રાઇવેટ હોસ્પિટલોએ કરવી પડશે મફત સારવાર, ખર્ચો સરકારે કરવો પડશે

સમગ્ર દેશમાં કોરોનાના કેસ સતત વધતા જાય છે. હાલમાં ઘણા બધા લોકો હોસ્પીટલમાં દાખલ છે. જેમાંથી અમુક લોકો પાસે તો ખાવાના પણ રૂપિયા હોતા નથી. તેવામાં આવા લોકો સારવાર માટે રૂપિયા ન જ હોય શકે. તે એક સામાન્ય વાત છે. જેને ધ્યાનમાં રાખીને સુપ્રીમ કોર્ટે બુધવારે સરકારને કહ્યુ કે, જે હોસ્પિટલને મફત કે ઘણી જ ઓછી કિંમતે સરકારી જમીન આપવામાં આવી છે, તેઓ કોરોનાના દર્દીઓનો ઈલાજ નિઃશુલ્ક કે ઓછી કિંમતે કેમ ન કરી શકે? સરકારને આ મામલે એક સપ્તાહમાં જવાબ આપવાનું કહેવામાં આવ્યું છે. સુપ્રીમ કોર્ટે બુધવારે કેન્દ્ર સરકારને કહ્યુ કે એવી ખાનગી હોસ્પિટલોની ઓળખ કરો જ્યાં કોરોનાના દર્દીઓને મફત કે રાહત દરે સારવાર મળી શકે.

મુખ્ય ન્યાયાધીશ એસ.એ. બોબડે સોલિસિટર જનરલ તુષાર મેહતાને પુછ્યું કે, પ્રાઇવેટ હોસ્પિટલ માટે સરકાર મફતમાં જમીન આપે છે અથવા તો ખૂબ જ સામાન્ય પૈસા લે છે. તેવામાં આ હોસ્પિટલોએ મહામારીના સમયે સંક્રમિતોનો મફતમાં સારવાર કરવી જોઇએ.

પ્રાઈવેટ હોસ્પિટલ આર્થિક શોષણ કરે છે

પ્રાઈવેટ હોસ્પિટલોમાં કોરોનાની ટ્રીટમેન્ટના ખર્ચ પર લગામ લગાવવાની માંગ કરતી અરજી એડવોકેટ સચિન જૈનનું કહેવું છે કે, જે ખાનગી હોસ્પિટલો સરકારી જમીનો પર બની રહ્યાં છે અથવા તો ચેરીટેબલ સંસ્થાનની કેટેગરીમાં આવે છે, સરકારે તેમને કહેવું જોઈએ કે તેઓ કોરાનાના દર્દીઓની તો જનહિતમાં મફત અથવા તો નફા વગર સારવાર કરે.