હવે આ જ બાકી રહ્યું હતું ને! CNGના ભાવમાં થયો આટલા રૂપિયાનો વધારો- જાણો આજનો નવો ભાવ

શુક્રવારે એટલે કે આજે દિલ્હી-NCR, હરિયાણા અને રાજસ્થાનમાં CNGના ભાવમાં વધારો કરવામાં આવ્યો છે. સામાન્ય લોકો ફરી એકવાર મોંઘવારીથી ત્રસ્ત થયા છે. દિલ્હી-એનસીઆરમાં સીએનજીના ભાવમાં પ્રતિ કિલો 1 રૂપિયાનો વધારો થયો છે. સરકારી કંપની ઈન્દ્રપ્રસ્થ ગેસ લિમિટેડ (IGL)એ પણ શુક્રવારે લોકોને મોટો ઝટકો આપ્યો છે. ઈન્દ્રપ્રસ્થ ગેસ લિમિટેડે શુક્રવારે દિલ્હી, હરિયાણા અને રાજસ્થાનમાં તેની CNG છૂટક કિંમતમાં સુધારો કર્યો છે. દિલ્હી, હરિયાણા અને રાજસ્થાનમાં CNGના નવા દર 4 ડિસેમ્બર, 2021ના રોજ સવારે 6 વાગ્યાથી લાગુ થશે. દેશમાં પેટ્રોલ અને ડીઝલના ભાવમાં ફેરફાર બાદ હવે CNGના ભાવમાં પણ ફેરફાર કરવામાં આવ્યો છે.

જાણો CNGના નવા દર:
ઈન્દ્રપ્રસ્થ ગેસ લિમિટેડ પાસેથી મળેલી માહિતી અનુસાર, દિલ્હીમાં 4 ડિસેમ્બર, 2021થી નેશનલ કેપિટલ રિજન (NCT)માં CNGની સંશોધિત કિંમત વધીને 53.04 રૂપિયા પ્રતિ કિલો થઈ ગઈ છે. તે જ સમયે, ગુરુગ્રામમાં CNGની સંશોધિત કિંમત વધારીને 60.40 રૂપિયા પ્રતિ કિલો કરી દેવામાં આવી છે. તે જ સમયે, હરિયાણાના રેવાડીમાં સીએનજીના નવા દરો 61.10 રૂપિયા પ્રતિ કિલો હશે. તે જ સમયે, કરનાલ અને કૈથલમાં CNGની સંશોધિત કિંમતો 59.30 રૂપિયા પ્રતિ કિલો થઈ ગઈ છે. આ સાથે રાજસ્થાનના અજમેર, પાલી અને રાજસમંદમાં સીએનજીની સુધારેલી કિંમત 67.31 રૂપિયા પ્રતિ કિલો થઈ ગઈ છે.

તમને જણાવી દઈએ કે આ પહેલા 14 નવેમ્બરે ઈન્દ્રપ્રસ્થ ગેસ લિમિટેડે CNGની કિંમતોમાં વધારો કર્યો હતો. 14 નવેમ્બરે દિલ્હીમાં CNGની કિંમતમાં 2.28 રૂપિયાનો વધારો કરવામાં આવ્યો હતો. તમને જણાવી દઈએ કે 1 ઓક્ટોબરથી ઈન્દ્રપ્રસ્થ ગેસ લિમિટેડે ચોથી વખત CNGની કિંમતોમાં વધારો કર્યો છે. માનવામાં આવે છે કે ઈન્દ્રપ્રસ્થ ગેસ લિમિટેડના આ નિર્ણય બાદ અન્ય કંપનીઓ પણ સીએનજીના ભાવ વધારવાનો નિર્ણય લેશે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.